Ил уурхайн хамт олон 2026 оны эхний хагас жилд уулын ажлын үндсэн үзүүлэлтүүдээ төлөвлөгөөнөөс давуулан биелүүлж, үйлдвэрлэлийн өртөг зардлаа бууруулсан үр дүнтэй ажиллажээ.
Тайлант хугацаанд 17.1 сая м³ уулын цул олборлох төлөвлөгөөтэй ажилласнаас 17.6 сая м³ уулын цул олборлож, төлөвлөгөөг 103.3 хувиар буюу 560 мянган м³-ээр давуулан биелүүлэв. Мөн 21.7 сая тонн хүдэр олборлох төлөвлөгөөтэй байсан бол 22.4 сая тонн хүдэр олборлон, төлөвлөгөөг 103.1 хувиар буюу 677 мянган тонноор давуулсан амжилт үзүүлжээ.
Ил уурхай тайлант хугацаанд 277.5 тэрбум төгрөгийн зардалтай ажиллаж, 17.6 сая м3 уулын цул олборлож, үйлдвэрлэлийн зардлыг төлөвлөснөөс 8.4 хувиар бууруулсан байна. Мөн 1 м³ уулын цулын нэгжийн өртгийг 11.3 хувиар, 1 тонн хүдрийн нэгжийн өртгийг 11.1 хувиар тус тус бууруулж, үйлдвэрлэлийн үр ашиг, эдийн засгийн өгөөжийг нэмэгдүүллээ.
Үйлдвэрлэлийн өргөтгөл, шинэчлэл, засварын ажлууд ч төлөвлөгөөний дагуу амжилттай үргэлжилж байна. Тухайлбал, хөрсний тээвэрт мөчлөгт урсгалт тээврийн технологи нэвтрүүлэх төслийн хэрэгжилт 99 хувь, уурхайн хүчиллэг ус зайлуулах шугам хоолойг шинэчлэх ажил 95 хувь, хүчиллэг ус цуглуулах бассейнуудын цахилгаан хангамжийн ажил 99 хувь, эмульсийн тэсрэх бодисын үйлдвэрийн ажилчдын хоолны заалны өргөтгөлийн ажил 65 хувийн гүйцэтгэлтэй байна.
Мөн хөрөнгө оруулалтын төлөвлөгөөний дагуу “Liebherr R9350E” маркийн нэг экскаваторыг угсарч ашиглалтад оруулсан нь уулын ажлын бүтээмжийг нэмэгдүүлэхэд нөлөөлсөн байна. Үүнээс гадна уурхайн хяналтын системийн тоноглолуудыг шинэчлэн сайжруулжээ.
Нар минутад мандаж минутад жаргана.
Үс засуулвал: 
Суудал: 
