Их Британид зохион байгуулагдсан “The Song International Online Contest” олон улсын дуулаачдын уралдаанд Монгол Улсаа төлөөлөн оролцсон “Эрдэнэт үйлдвэр” ТӨҮГ-ын Баяжуулах үйлдвэрийн Соёл, олон нийтийн арга зүйч Б.Нямдэлгэр 26–35 насны ангиллын поп дууны төрөлд дэд байрын шагнал хүртлээ.
Fiestalonia Milenio олон улсын фестиваль, уралдааны хорооноос зохион байгуулдаг тус уралдаанд дэлхийн олон орны уран бүтээлчид поп, жазз, ардын, академик зэрэг төрлөөр, насны ангиллын дагуу өрсөлдсөн юм.
Б.Нямдэлгэр уралдаанд БНХАУ-ын нэрт дуучин Тэнгэрийн дуулсан “Диваажин” бүтээлээр оролцжээ. Олон улсын мэргэжлийн шүүгчид оролцогчдын бүтээлийг 100 онооны системээр үнэлэхэд тэрээр 89 оноо авч, хоёрдугаар зэргийн дипломын эзэн болсон байна.
Шүүгчдийн бүрэлдэхүүн түүний хоолойн өнгө, хөгжмийн мэдрэмж, хэмнэл, тайзан дээрх байгалийн төрхийг өндрөөр үнэлжээ. Түүнчлэн тайзны хөдөлгөөн, сэтгэл хөдлөлийн илэрхийлэл, үндэсний дуулах арга барилын техникээ улам хөгжүүлэх чиглэлээр мэргэжлийн зөвлөмж өгсөн байна.
Монгол Улсаа төлөөлөн олон улсын нэр хүндтэй уралдаанд амжилттай оролцож, Эрдэнэт үйлдвэрийнхээ нэрийг өндөрт өргөсөн Б.Нямдэлгэртээ баяр хүргэж, уран бүтээлийн улам өндөр амжилт хүсэн ерөөе.
Нар минутад мандаж минутад жаргана.
Үс засуулвал: 
Суудал: 
