Баяжуулах үйлдвэрийн захиргаа, Гэр бүл, эцэг эхийн зөвлөл хамтран ажилчдынхаа энэ жил 12 дугаар анги төгсөж буй хүүхдүүдийг хамруулсан “Та бүхэн – Бидний ирээдүй” уулзалт, ярилцлагыг өнөөдөр зохион байгууллаа.
Эрдэнэт үйлдвэрийн Цахим музейн танхимд болсон уг уулзалтад Баяжуулах үйлдвэрийн дарга М.Отгон, Хүний нөөцийн товчооны дарга бөгөөд Гэр бүл, эцэг эхийн зөвлөлийн тэргүүн Т.Тунгалагтамир болон ерөнхий боловсролын сургуулиа энэ жил төгсөж буй 55 сурагч оролцов.
Уулзалтын үеэр Баяжуулах үйлдвэрийн дарга М.Отгон үйлдвэрийн үндсэн цехийн үйл ажиллагаа, сүүлийн жилүүдэд хэрэгжүүлж буй бүтээн байгуулалт, өргөтгөл шинэчлэлийн ажлууд, мөн 1200 гаруй ажилтантай хамт олныхоо нийгмийн хариуцлагын хүрээнд хэрэгжүүлдэг сайн үйлсийн талаар дэлгэрэнгүй танилцуулсан юм. Мөн өөрийн ажил, амьдралын туршлага, амжилтад хүрсэн замнал, баримталдаг зарчим, үнэт зүйлсээ залуустай хуваалцаж, мэргэжил сонголт болон ирээдүйн зорилгоо тодорхойлоход анхаарах асуудлуудын талаар үнэтэй зөвлөгөө өгч, чөлөөтэй ярилцав.
Баяжуулах үйлдвэрийг нэгэн гэр бүл гэж үзвэл өдгөө 632 ахмадтай, 1827 хүүхэдтэй өнөр айл юм. Тэдний 55 хүүхэд энэ жил ерөнхий боловсролын сургуулиа төгсөж, мэргэжил сонголтын чухал босгон дээр ирээд байна. Тиймээс энэхүү уулзалт нь тэдний амьдралын шинэ гараанд урам зориг, чиг баримжаа өгсөн онцгой үйл ажиллагаа боллоо.
Уулзалтын төгсгөлд үйлдвэрийн удирдлагууд төгсөгчдөд сурлага, хөдөлмөрийн өндөр амжилт хүсэхийн зэрэгцээ мэдлэг боловсролтой, ёс зүйтэй, сайн хүн болж төлөвшин, аав ээжийнхээ бахархал болохыг захиж, ирээдүйн их үйлсэд нь амжилт хүслээ.
Нар минутад мандаж минутад жаргана.
Үс засуулвал: 
Суудал: 
