Монгол Улсын Засгийн газраас 2025 оны татвар төлөлтөөрөө тэргүүлсэн байгууллагуудыг “Шилдэг татвар төлөгч”-өөр тодруулан, шагналаа. Тус жагсаалтын нэгдүгээрт “Эрдэнэт үйлдвэр” ТӨҮГ эрэмбэлэгдэж, татвар төлөлтөөрөө тэргүүлэгч 10 байгууллагын эхэнд шалгарсан байна.
Өнөөдөр Монгол Улсын Ерөнхий сайд Н.Учрал, "Татвар төлөлтөөрөө тэргүүлэгч-10" өргөмжлөлийг “Эрдэнэт үйлдвэр” ТӨҮГ-ын Ерөнхий захирал Г.Ёндонд гардуулж, баяр хүргэлээ.
2025 онд “Эрдэнэт үйлдвэр” ТӨҮГ, улс, орон нутгийн төсөвт 2.3 их наяд төгрөгийн татвар төвлөрүүлж, Монгол Улсын төсвийн орлогыг бүрдүүлэхэд үнэтэй хувь нэмэр оруулсан үзүүлэлтээр “Татвар төлөлтөөрөө тэргүүлэгч-10” өргөмжлөлийг хүртсэн байна.
Тус үйлдвэр нийт татвар төлөлтийн 61 хувь буюу 1.1 их наяд төгрөгийг АМНАТ, 574.79 тэрбум төгрөгийг ААНОАТ, 289.26 тэрбум төгрөгийг ногдол ашигт тус тус төлж, Орхон аймгийн төсөвт 115.5 тэрбум төгрөг, Булган аймгийн төсөвт 37.0 тэрбум төгрөгийн татвар төвлөрүүлжээ.
“Шилдэг татвар төлөгч” өргөмжлөлийг улс, орон нутгийн төсөвт төвлөрүүлсэн татвар төлөлтөөрөө тэргүүлэгч 10, том, жижиг, бичил сегмент тус бүрээс 10 буюу нийт 50 аж ахуйн нэгж, байгууллагуудад гардуулсан байна.
Нар минутад мандаж минутад жаргана.
Үс засуулвал: 
Суудал: 
