Ус хангамжийн цех Эрдэнэт үйлдвэрийнхээ технологийн тасралтгүй үйл ажиллагааг хангаад зогсохгүй, Орхон аймгийн нийт оршин суугчдыг цэвэр усаар хангах хариуцлагатай үүрэг хүлээдэг. Энэ хүрээнд усны нөөцийг зүй зохистой зарцуулах Стандарт, хэмжил зүйн газрын тусгай зөвшөөрөл Хэмжлийн тухай хуулийн дагуу усны тоолууруудаа улсын ээлжит шалгалт баталгаажуулалтад хамруулж, суурилуулах ажлыг амжилттай зохион байгууллаа.
Стандарт хэмжил зүйн газрын мэргэжилтнүүд шугам өнцгийн хэмжилт, лабораторийн сорилтуудыг гүйцэтгэж, улсын баталгаажуулалтын гэрчилгээ олгосон байна. Харин “Эрдэнэт үйлдвэр” ТӨҮГ-ын Цахилгаан цехийн Телемеханикийн хэсгийн инженерүүд технологийн дагуу суурилуулж, Чанарын хяналтын хэлтсийн Хэмжил зүйн товчоо, “Эрдэнэт ус” ОНӨТҮГ, Сэлэнгэ голын ай савын захиргаа, Булган аймгийн Стандартчилал хэмжил зүйл хэлтэс болон Байгаль орчны газрын төлөөллүүд биечлэн хяналт хэрэгжүүлэн ажиллав.
Түүнчлэн, хэмжилтийн үнэн зөв байдлыг алдагдуулахгүй байх, гадны нөлөөллөөс хамгаалах зорилгоор хэмжих хэрэгслүүдийг эрх бүхий мэргэжилтнүүд лацдаж, нууцлалын кодыг баталгаажуулсан юм. Ингэснээр усны бодит хэрэглээг үнэн зөв тооцох, санхүүгийн тооцооллын зөрүүг арилгах, эдийн засгийн болзошгүй эрсдэлээс урьдчилан сэргийлэх суурь нөхцөл бүрдлээ.
Нар минутад мандаж минутад жаргана.
Үс засуулвал: 
Суудал: 
