Эрдэнэт үйлдвэрийн Хүний нөөцийн хөгжлийн цогц хөтөлбөрийн нэг болох “Манлайлал, авьяас чадварын хөтөлбөр”-ийн оролцогчид менежментийн тогтолцооны мэдлэг, ойлголтоо сайжруулах зорилгоор “Менежментийн тогтолцооны багц сургалт”-ыг хоёрдугаар улиралд зохион байгуулахаар төлөвлөсөн.
Төлөвлөгөөний дагуу эхний сургалт 3 дугаар сарын 31-ний өдөр амжилттай зохион байгуулагдсан бол хоёр дахь сургалт энэ сарын 24-ний өдөр Эрдэнэт цогцолбор их сургуулийн лекцийн танхимд боллоо. Эхний сургалтаар “Менежментийн мэдлэг, ойлголт, чадвар, ажлын үр дүн” сэдвээр Эрдэнэт цогцолбор их сургуулийн багш Ё.Мөнхтунгалаг, “Шийдвэр гаргалт, дата өгөгдлийн уялдаа, шийдвэр гаргалтад дата өгөгдөл ашиглах нь” сэдвээр Дотоод хяналт, мониторингийн хэлтсийн Стандарт, эрсдэлийн нэгдсэн удирдлагын мэргэжилтэн Х.Адъяацогт нар тус тус хичээл заасан юм. Харин хоёр дахь сургалтаар “Ярих, илтгэх ур чадвар” сэдвээр Хүний нөөц, захиргааны хэлтсийн хүний нөөцийн тэргүүлэх мэргэжилтэн Ө.Золбаяр, “Хүний нөөцийн менежмент, гүйцэтгэлийн удирдлага” сэдвээр Team Consultancy LLC-ийн сургагч багш Ц.Онон нар сургалт орж, оролцогчдод онол, практик хосолсон мэдлэг олгов.
Энэхүү багц сургалт нь оролцогчдын манлайлал, менежментийн ур чадварыг хөгжүүлэх, шийдвэр гаргалтад дата мэдээллийг оновчтой ашиглах, илтгэх болон хүний нөөцийн удирдлагын чадамжийг дээшлүүлэхэд чухал ач холбогдолтой юм.
Нар минутад мандаж минутад жаргана.
Үс засуулвал: 
Суудал: 
