-Эрдэнэт үйлдвэрийн удирдах ажилтны даваа гарагийн ээлжит шуурхай зөвлөгөөнийг Ерөнхий инженер Т.Батмөнх удирдан явууллаа.
-Өнгөрсөн долоо хоногт үйлдвэрийн хэмжээнд хөдөлмөрийн аюулгүй байдал, эрүүл ахуйн үйл ажиллагаа хэвийн үргэлжилж, ажилтнуудад хувийн хамгаалах хэрэгслийг хуваарийн дагуу олгосон байна. Өндөр эрсдэлтэй 14 ажлыг гүйцэтгэж, бүтцийн нэгжүүдэд зорилтот хяналт шалгалт хийжээ. Мөн 124 ажилтныг ХАБЭА-н сургалтад хамруулсан бөгөөд галын дуудлага бүртгэгдээгүй байна.
-Байгаль орчны чиглэлээр үйл ажиллагаа хэвийн үргэлжилж, аюултай хог хаягдлыг тусгай зөвшөөрөлтэй байгууллагад шилжүүлэн ажилласан. Мөн химийн бодисын тусгай зөвшөөрлийн хугацааг сунгуулах ажлыг холбогдох яаманд хүргүүлжээ.
-Оны эхний улиралд үйлдвэрлэлийн бүх үзүүлэлтүүд биелсэн талаар Үйлдвэрлэл, техникийн хэлтэс мэдээлэлдээ онцлов.
-Ил уурхайн үйл ажиллагаа хэвийн явагдаж, хавар, зуны бэлтгэл ажлын хүрээнд төлөвлөсөн ажлуудын биелэлт 30 гаруй хувьтай байна. Техникийн шинэчлэл, бүтээн байгуулалтын ажлууд үе шаттай хэрэгжиж байгаа талаар мэдээлэв.
-Хүний нөөц, захиргааны чиглэлээр баримт бичгийн шийдвэрлэлт 91.5 хувьтай гарч, өмнөх оны мөн үеэс өссөн үзүүлэлттэй байна. Нийт 24 ажлын хэсэг байгуулагдан ажиллаж байгаа бөгөөд хэрэгжилт хэвийн, шаардлагатай ажлын байрны сонгон шалгаруулалтуудыг нээлттэй зарлажээ.
-Хамтын ажиллагаа, нийгмийн харилцааны хүрээнд “Нэг ажилтан-Нэг ном” аяны хэрэгжилт хангалтгүй байгааг онцолж, оролцоог нэмэгдүүлэхийг уриаллаа. Мөн ажилтнууд улсын хэмжээнд зохион байгуулагдсан мэргэжлийн уралдаанд амжилттай оролцож, шагналт байр эзэлсэн талаар мэдээллэв.
-Зөвлөгөөний төгсгөлд удирдлагууд үйлдвэрлэл, эдийн засгийн үзүүлэлтийг сайжруулах, бүтээн байгуулалтын ажлыг эрчимжүүлэх, хэрэгцээтэй бараа материалын ханган нийлүүлэлтэд хяналт тавих, зардлыг бууруулах, хөдөлмөрийн аюулгүй байдлыг чанд мөрдөх, болзошгүй эрсдэлээс урьдчилан сэргийлэх чиглэлээр үүрэг, чиглэл өглөө.
Нар минутад мандаж минутад жаргана.
Үс засуулвал: 
Суудал: 
