Сар шинийн баярыг тохиолдуулан Оёдлын цех 2025 оны үйлдвэрлэлийн төлөвлөгөөт зорилтыг биелүүлэхэд идэвх санаачилгатай, үр бүтээлтэй, хамт олноо манлайлан ажилласан үйлчидээ Хөдөлмөрийн аваргаар өргөмжлөх ёслол хүндэтгэлийн үйл ажиллагаа Эрдэнэт үйлдвэрийн Ернхий захиргааны “Оюу” танхимд өнөөдөр боллоо.
Баярын энэхүү үйл ажиллагааг нээж, Оёдлын цехийн дарга Ж.Мөнх-Оргил хэлсэн үгэндээ, Мэргэжил бүрт хүрч үйлчилэх эрхэм зорилготой манай хамт олон улирч буй могой жилд баяжмалын 200 мянга орчим уут үйлдвэрлэсэн нь цехийн түүхэн дээд амжилт юм. Зөөлөн оёдлын хэсэг 120 гаруй нэр төрлийн 20,013 ширхэг ажлын хувцас, 24,110 хос хөвөнтэй бээлий, цехүүдийн захиалгаар 33,746 ширхэг оёмол бүтээгдэхүүн, 57 засвар үйлчилгээ, 694 спорт хувцас үйлдвэрлэлээ. Энэ бүхний ард үйлчин-ажилтан бүрийн сэтгэл зүтгэл, ур чадвар, нөр их хөдөлмөр байгааг тэрээр онцолсон.
Оёдлын цехийн модон могой жилийн Хөдөлмөрийн аваргаар Зөөлөн оёдлын хэсгийн ажилтан Монловын Удвал, Баяжмалын уут оёх II хэсгийн ажилтан Цэнджавын Оюун-Эрдэнэ, I хэсгийн ажилтан Батбаярын Амарбат, Захиргааны хэсгийн ажилтан Түмэнбаярын Баясгалан, Аж ахуйн хэсгийн ажилтан Нохойжавын Оюунгэрэл нар тодорч, шагналаа гардлаа.
Тус цехийн хамт олон энэ жил хүний эрхийг дээдлэн, нийгмийн харилцааг төгөлдөржүүлж, соёлтой харилцааг эрхэмлэн, үйлчилгээний чанарыг дээшлүүлэх, ашигт ажиллагааг нэмэгдүүлэх зэрэг зорилт дэвшүүлэн ажиллаж байна.
Нар минутад мандаж минутад жаргана.
Үс засуулвал: 
Суудал: 
