“Эрдэнэт үйлдвэр” ТӨҮГ-ын Хамтын ажиллагаа, нийгмийн харилцааны бодлогын газрын дарга Ц.Бат-Энх, Хяналтын асуудал хариуцсан менежер И.Мөнхжаргал нар болон холбогдох бүтцийн нэгжийн удирдлагууд үйлдвэрийн хөрөнгө оруулалтаар барьж буй Соёл, спортын “Эрдэнэт” цогцолборын барилгын ажлын явцтай өнөөдөр танилцлаа. Одоогийн байдлаар Соёл, спортын “Эрдэнэт” цогцолборын бүтээн байгуулалтын ажил 90 гаруй хувийн гүйцэтгэлтэй байна.
Барилга байгууламжийн хяналт, төлөвлөлтийн хэлтсийн хяналтын инженер Д.Энх-Эрдэнэ:
“Соёл, спортын “Эрдэнэт” цогцолборын дотор заслын ажлууд хийгдэж, гадна тохижилтын ажил 98 хувьтай явна. Мөн үерийн сувагчлалын ажлыг хийж байна. Ерөнхий гүйцэтгэгчээр Барилга засварын цех ажиллаж байгаа. Тус цехийн 40-120 хүн өдөр тутам ажиллаж байна. Засвар, угсралтын цехийн 15 хүн ажиллаж байгаа. Гаднын таван компани гүйцэтгэсэн ажлаа ашиглалтад хүлээлгэн өгөхөд бэлэн болсон. Өнөөдөр үйлдвэрийн газрын удирдах ажилтнууд “Эрдэнэт” цогцолборын барилгын ажлын явцтай танилцлаа. Энэ оны долдугаар сарын 30-нд тус барилгын ажлыг улсын комисст хүлээлгэн өгөх шахуу төлөвлөгөөтэй ажиллаж байгаа ч нэмэлтээр хийх ажил гарч байна. Энэ ажлын зураг төслийг Зураг, төслийн хүрээлэн гаргана. Чиглэл хариуцсан инженерүүд барилгын явцтай танилцаж, үүрэг даалгавар өгөөд явж байна.
Зураг төслийн хүрээлэнгийн Ерөнхий инженер Т.Намсрайсүрэн:
“Анх Орхон аймгийн захиалгаар энэ барилгын ажлын зураг төсөл “Бөхийн өргөө”-ний зориулалтаар хийгдсэн. Явцын дунд урлаг, спорт, соёлын цогц арга хэмжээ явуулах шаардлага тавигдсанаар төлөвлөлтийн хувьд хоёр удаа том өөрчлөлт орсон. Олон улсын стандартад нийцүүлэхийн тулд хийцлэлийн хувьд өөрчлөлт оруулах шаардлага гарч байна. Энэ бүхнээс шалтгаалан барилгын угсралтын хугацаа хойшлох, хөрөнгө оруулалтын хэмжээ нэмэгдэж байна” гэв.
Нар минутад мандаж минутад жаргана.
Үс засуулвал: 
Суудал: 
