Эрдэнэт үйлдвэр ISO-45001 стандартын шаардлагыг үргэлжлүүлэн хангаж байна

“Эрдэнэт үйлдвэр” ТӨҮГ-ын ХЭМАБ-ын менежментийн тогтолцоо нь олон улсын ISO45001 стандартын дагуу үр нөлөөтэй хэрэгжиж байгаад давтан баталгаажуулалтын аудит хийж, өнөөдөр үр дүн, дүгнэлтийг танилцууллаа. 
“Эс Эф Си ЭС” компанийн аудиторууд уг стандартын 24 шаардлагаас 11-ийг нь хангаж байна гэж үзжээ. Давтан баталгаажуулалтын аудитын тайлангийн хурлаар Эрдэнэт үйлдвэрийн хэмжээнд ХЭМАБ-ын нэгдсэн программ хангамжийг үйл ажиллагаандаа ашиглаж хэвшсэн, ажилтан бүр шаардлагатай мэдээлэл, дүрэм, журам, заавар, сургалтын мэдээллүүдийг программаас татаж ашиглах боломжийг бүрдүүлсэн, 5А дадлыг ажилтнуудад хэвшүүлэхийн тулд тодорхой хэмжигдэхүйц зорилтуудыг дэвшүүлж хэрэгжүүлсэн, ХАБЭА-н дөрвөн шатны хяналт тогтмол хэрэгжсэнээр ажилтан аюулыг илрүүлэх, мэдээлэх, урамшуулах тогтолцоо бүрдсэн зэрэг сайн туршлагыг онцлон дурдсан юм. 
Түүнээс гадна, стандартын хэрэгжилтийг сайжруулах 13 боломжийг тодорхойлон гаргаж тайлбарлан таниуллаа. Тухайлбал, эрсдэл ба боломжид чиглэсэн арга хэмжээг авч хэрэгжүүлж байгаа боловч эрсдэлийг тодорхойлон үнэлж, бууруулах арга хэмжээ авч хэрэгжүүлсэн ч эрсдэл буураагүй байдал нотлох баримтаар харагджээ. Мөн онцгой байдлын бэлэн байдал, хариу арга хэмжээ хэсэг дээр Гамшгаас хамгаалах төлөвлөгөөг жил бүр тодотгол хийж баталгаажуулах ёстой боловч 2022 оноос хойш тодотгол хийгдээгүй, эсвэл хийснээ баталгаажуулаагүй байна, гэж Аудитын багийн ахлагч, олон улсын ISO 9001, 45001, 14001 стандартын Тэргүүлэх аудитор Ж.Дуламсүрэн ярилаа. 
Аудитын багийнхан Эрдэнэт үйлдвэр ISO-45001 стандартын шаардлагыг үргэлжлүүлэн хангаж байна гэсэн дүгнэлт гаргав.