Амралтын өдрүүдэд халуун өрсөлдөөнтэй тоглолтууд волейболын багуудын дунд өрнөлөө. Үйлдвэрийн бүтцийн 30 гаруй цех нэгжийн дангаар болон хамтарсан 18 багийн эрэгтэй, эмэгтэй тамирчид хурд хүч, ур чадвараа сорьсон, сонирхолтой тоглолтуудаараа хөгжөөн дэмжигч, хамт олноо баярлууллаа. Волейболын эмэгтэй төрлийн аваргаар Баяжуулах үйлдвэрийн бүсгүйчүүд тодорч, удаах байранд Гэрээт цагдаагийн хэлтэс, Дотоодын цэргийн 186-р анги, Орос 12-р цэцэрлэгийн хамтарсан баг, гутгаар байранд Засвар, механикийн заводын баг эзэллээ.
Тэгвэл волейболын эрэгтэй багуудын аваргын төлөөх тоглолт Даваа гарагт болох бөгөөд энэ тэмцээнд үйлдвэрийн Засвар, механикийн завод, ДЦС-ын багууд хүч үзэхээр шалгараад байна. Харин волейболын эрэгтэй ангиллын хүрэл медалийн болзлыг Баяжуулах үйлдвэрийн баг тамирчид хангасан байна.
Уурхайчдын 44-р спартакиадын хаалтын үйл ажиллагаа 10 дугаар сарын 28-ны Даваа гарагт болж, энэ үеэр сагсан бөмбөг болон волейболын эрэгтэй багуудын алтан медалийн төлөөх тоглолтууд болох юм байна. Мөн хаалтын ажиллагаан дээр спартакиадын аваргууд болон шилдэг тамирчдын шагналыг гардуулах ажээ.
Нар минутад мандаж минутад жаргана.
Үс засуулвал: 
Суудал: 
