Ил уурхайн Зам овоолгын хэсгийн гол ажлыг нугалдаг хайрга бутлан ангилах тоног төхөөрөмж шинэчлэгджээ. ОХУ-д үйлдвэрлэгдэж, 1994 онд ашиглалтад орсон тоног төхөөрөмж 30 гаруй жил тасралтгүй ажиллаад үйлдвэрлэлийн шаардлага хангахгүйд хүрч, сүүлийн жилүүдэд хүндрэл үүссэн юм. Үүнийг үйлдвэрийн удирдлагууд шийдвэрлэж, хөрөнгө оруулалтаар бутлуур, шигшүүр бүхий иж бүрэн тоног төхөөрөмж худалдан авсныг хоёр сарын хугацаанд угсарч ажилд орууллаа.
БНХАУ-д үйлдвэрлэсэн энэхүү тоног төхөөрөмж нь цагт 120-150 тонн хүртэлх уулын цулыг буталж, шигшээд ангилах хүчин чадалтай. Өмнө нь ашиглаж байсан тоног төхөөрөмж гурван төрлийн хайрга, элс гаргадаг бол энэ таван төрлийн материал гаргаад зогсохгүй цагийн ачаалал нь ийн нэмэгджээ. Мөн ажлын байрны нөхцөл сайжирч, гар ажиллагаа багассан, гэж Зам овоолгын хэсгийн дарга Н.Мөнхбаяр ярилаа.
Тус хамт олон овоолго байгуулах, технологийн тээврийн зам засах, тэсэлгээний цооногийн цэнэгийг түгжих элс бэлтгэх, нөөцлөх, бусад цех нэгжийн хайрга, элсний хэрэгцээг хангах үүрэгтэй ажилладаг. Тэсэлгээний ажлын гүйцэтгэлийн тодорхой үр дүн түгжээснээс хамаарна. Түгжээс чанартай хийгдэж гэмээнэ тэсэлгээ сайн болж, хүдэр олборлолт хэвийн явагддаг. Үйлдвэрлэлийн тасралтгүй энэ үйл ажиллагаанд ч орчин үеийн тоног төхөөрөмж чухал нөлөө үзүүлнэ гэж тэр нэмж мэдээллээ.
Нар минутад мандаж минутад жаргана.
Үс засуулвал: 
Суудал: 
