Монголын Үндэсний Худалдаа Аж үйлдвэрийн танхимын “Entreprenuer” шагнал гардуулах ёслолын ажиллагаанаас Гранпри шагнал хүртэж, оны шилдгээр шалгарсан 10 аж ахуйн нэгжийн сүлд бүхий тугийг тус танхимын гадна талбайд бүтэн жилийн турш мандуулж, байршуулдаг уламжлалтай. Эл уламжлалын дагуу шилдэг, “Еntreprenuer” байгууллагуудын тугийг байршуулах үйл ажиллагаа болж, энэ хүрээнд “Эрдэнэт үйлдвэр” ТӨҮГ-ын сүлд, далбаа МҮХАҮТ-ын төв байрны гадна мандлаа.
Энэхүү үйл ажиллагаанд Эрдэнэт үйлдвэрээ төлөөлж, Улаанбаатар дахь Төлөөлөгчийн газрын дарга М.Энхмэнд оролцсон бөгөөд үйлдвэрийнхээ сүлд, далбааг хүндэтгэн өргөлөө.
Бизнесийн салбарын нэр хүнд, үнэ цэнийг тодорхойлдог Монгол Улсын Оны онцлох аж ахуйн нэгжийг тодруулах “Entreprenuer-2023” Меркури цом гардуулах ёслолын үеэр “Гран при” Алтан Меркури шагналыг Ханбогд Кашимер ХХК, Ази, Номхон далайн орнуудын ХАҮТ-ын Нэгдсэн холбооны шагналыг Скай хайпермаркет ХХК тус тус хүртсэн бол “Оны шилдэг аж ахуйн нэгж”-ээр Оюу толгой, Монголын Алт ХХК, “Эрдэнэт үйлдвэр” ТӨҮГ, “Энержи Ресурс” ХХК, “Номин Холдинг” ХХК,” Мобиком Корпораци” ХХК, Хаан банк, “М-Си-Эс Кока-Кола” ХХК, “ТЭСО” ХХК, “Грийн Групп” ХХК зэрэг арван байгууллага шалгарсан юм.
Нар минутад мандаж минутад жаргана.
Үс засуулвал: 
Суудал: 
