Орхон аймгийн ЗДТГ, Шүүхийн Тамгын газартай хамтран "Гэр төсөл" хэрэгжүүлж байна. Уг төслийн хүрээнд гэрлэгсдэд сэтгэл зүйн мэргэжлийн тусламж үйлчилгээ үзүүлэх, уулзалт хийх, гэр бүлийн хөгжил боловсрол, тогтвортой байдлыг дэмжсэн сургалт, зөвлөгөө өгч, гэр бүл цуцлалтын тоог бууруулах чиглэлээр ажиллав.
Үүний үр дүнд шүүхийн шатнаас 32 гэр бүлд эвлэрүүлэн зуучлах үйлчилгээ үзүүлжээ. Мөн гэр бүл цуцлалтын судалгаанд хамрагдагсдын 44.3 хувь нь гэр бүлийн зан харилцаа таарахгүй гэсэн шалтгаантай байжээ.
Төслийн хүрээнд орон нутагт анх удаа шүүхийн байгууллагад гэр бүлийн чиглэлээр дагнасан мэргэжлийн сэтгэл зүйч ажиллаж зөвлөгөө мэдээлэл, нөлөөллийн үйл ажиллагаа явуулж байгаа аж. Иймээс гэр бүлийн харилцаа, хандлагад өөрчлөлт, зөрчил үүссэн тохиолдолд мэргэжлийн хүмүүст хандаж зөвлөгөө тусламж авахыг төслийн багийнхан уриалж байна.
2023-12-09
Билгийн тооллын 27
Нар 08:29 минутад мандаж 16:59 минутад жаргана.
Үс засуулвал: Өлзийтэй сайн
Суудал: Шороо
