Эрдэнэт үйлдвэрийн төлөөлөгчид Бүгд Найрамдах Узбекистан Улсын Ташкент хотод болсон уурхайн ажил, металлурги ба металл боловсруулалтын «Узэкспоцентр» олон улсын үзэсгэлэнд оролцоод ирлээ.
Энэ үеэр “Эрдэнэт үйлдвэр” ТӨҮГ-ын Ерөнхий механикч Б.Чинзориг, Засвар механикийн заводын дарга Б.Баасансүрэн нар ачаа тээврийн машин, автобус үйлдвэрлэлээр нэр хүндтэй “SamAuto” ХХК-ийн үйл ажиллагаатай танилцсан байна. 1999 оноос үйл ажиллагаагаа эхлүүлсэн тус компани нь Узбекстан улсын дотоодын зах зээлд 44935, гадаадын зах зээлд 3880 орчим автомашин угсарч үйлдвэрлэн нийлүүлжээ. Одоогоор бүтээгдэхүүнээ Афганистан, Азербайжан, Гүрж, Ирак, Казахстан, Киргиз, ОХУ, Таджикистан, Турк, Туркменистан зэрэг улсад экспортолдог бөгөөд Казахстан, Киргиз, Азербайжанд автобус угсрах үйлдвэр барьж байгуулан хамтран ажиллаж байна.
Манай төлөөлөгчид Монголын тулгамдсан асуудлын нэг болох нийтийн тээврийн хүрэлцээ муу байдлыг дотоодын үйлдвэрлэлээр шийдэх гарц боломжийг давхар судалж, эхний ээлжинд Засвар механикийн заводад 5-10 автобус угсрах ажлыг зохион байгуулах саналаа илэрхийлжээ. Аж үйлдвэржилтийг хөгжүүлэх зорилтын хүрээнд “Засвар механикийн завод-2” төсөлтэй уялдуулан машин үйлдвэрийн бүтээгдэхүүн үйлдвэрлэлийн кластер байгуулах техник эдийн засгийн үндэслэл боловсруулах, цаашлаад Засгийн газрын дэмжлэгтэй хэрэгжүүлэх боломж харагдаж явлаа хэмээн Эрдэнэт үйлдвэрийн Засвар механикийн заводын дарга Б.Баасансүрэн ярилаа.
Монгол Улсын хэмжээнд жилд 500 гаруй автобус хэрэгтэй, нийтийн тээврийн хэрэгслийн 80 гаруй хувь нь хуучирсан, солих шаардлагатай гэсэн тоон үзүүлэлт нь автобус үйлдвэрлэлийн орон зай байгааг харуулж байна. Харин дотоодын хэрэгцээг хангасан тохиолдолд гадагш нь экспортлох боломжтой юм.
Нар 08:29 минутад мандаж 16:59 минутад жаргана.
Үс засуулвал: Өлзийтэй сайн
Суудал: Шороо
