Эрдэнэт үйлдвэрийн Хүний нөөц, захиргааны хэлтэс санаачлан хүний нөөцийн мэргэжилтнүүддээ “Сонгон шалгаруулалт зохион байгуулах арга аргачлал” сэдэвт сургалт зохион байгууллаа. Сургалтыг Бүгд найрамдах Солонгос улсын ORP институттай хамтран явуулсан бөгөөд тус институтын Ерөнхийлөгч, сургагч багш Lee Young Seoк хичээл заав. Тэрээр сүүлийн 30-аад жил хүний нөөцийн чиглэлээр сургалт удирдаж буй мэргэшсэн мэргэжлийн сэтгэлзүйч аж. Lee Young Seoк багш энэхүү сургалтаараа хүний нөөцийн ажилтнуудад сонгон шалгаруулалтын арга аргачлал, Солонгос улсын туршлага, баримтлах зарчим, ажлын ярилцлагыг хэрхэн хийх, ажил горилж буй хүнийг хэрхэн таних зэрэг олон сэдвээр бодит туршлагаа хуваалцав.
Эрдэнэт үйлдвэрт өнгөрсөн онд үйлдвэрийн Ерөнхий захирлын тушаалаар тус үйлдвэрт иргэнийг ажилд авах, хүний нөөц бүрдүүлэх, сонгон шалгаруулалт зохион байгуулах журам батлагдан хэрэгжиж байна. Энэ журмын дагуу бичиг баримтын шалгаруулалт, мэргэжлийн шалгалт авах, эрүүл мэндийн байдал гэсэн 3 үе шаттай шалгалт авч, хэрэв тэнцсэн тохиолдолд ажилд авахыг санал болгох дарааллаар сонгон шалгаруулалтыг зохион байгуулдаг.
Шалгалт авах шат нь дотроо онолын мэдлэг, ур чадварыг чадамжийн стандартаар тогтоох, харилцаа хандлага, ёс зүйн шалгуур хангаж буйг шалгах зэрэг гурван хэсэгтэй ч харилцаа хандлага, ёс зүйн шалгуурыг хэрхэн тогтоож, шалгах аргачлалд дутуу дулимаг хүндрэлтэй асуудлууд гарч байсан нь уг сургалтад хамрагдах хэрэгцээ шаардлагыг бий болгосон байна. Сургалтаар Солонгос улсын сайн туршлагаас суралцан, сэдэвчилсэн болон тодорхой үйл явдал дээр үндэслэж ярилцлага хийх, тухайн иргэн зан төлөвийн хувьд Эрдэнэт үйлдвэрт тэнцэх эсэхийг бодитой асуумжаар тодорхойлох зэрэг дадлага хэлбэрээр явуулж буй нь өгөөжтэй боллоо гэж хүний нөөцийн мэргэжилтнүүд үнэллээ.
Нар минутад мандаж минутад жаргана.
Үс засуулвал: 
Суудал: 
