Эрдэнэт үйлдвэрийн хэмжээнд Хүний нөөцийн менежментийн тогтолцооны ISO 30400 багц стандарт хэрэгжүүлж, Олон улсын аудитын үнэлгээгээр баталгаажуулсан билээ. Энэ хүрээнд тус стандартын хэрэгжилтийн явц Үйлдвэрийн газрын бүтцийн нэгжүүдэд хэрхэн үргэлжилж, үр дүнгээ өгч буйг жил бүр шалгах зорилго бүхий Хүний нөөц, захиргааны хэлтсийн мэргэжилтнүүдийн бүрэлдэхүүнтэй дотоод аудитын баг бэлтгэгдсэн. Дотоод аудитын баг энэ жилийн ээлжит шалгалтаа үйлдвэрлэлийн үндсэн цехүүдийн нэг Засвар, механикийн заводоос эхэлж, хүний нөөцийн багц стандарт хэрхэн нутагшиж буйтай танилцаж байна.
Аудитын нээлтийн хурлын эхэнд Засвар, механикийн заводын дарга Б.Баасансүрэн цехийнхээ үйл ажиллагаа, багц стандарт хэрэгжүүлэх явц, үр өгөөжийн талаар дэлгэрэнгүй мэдээлэл өглөө. Мөн заводын хэмжээнд стандартын нэгдсэн бодлого хэрэгжүүлэхээр зорьж, үүнийг хариуцаж ажиллах “Чанарын товчоо” байгуулснаа дурдав. Түүнчлэн, стандартын нэгдсэн бодлого хэрэгжүүлэхдээ бүтцийн нэгжүүдтэй хамтран ажиллах зорилт дэвшүүлжээ. Тус завод дээр багц стандартын хэрэгжилтийн аудит хоёр өдөр үргэлжлэх бөгөөд стандарт хэрэгжилтийн ажлын хүрээнд хийгдэж буй ажлууд, үл тохирлын асуудлуудтай танилцана. Засвар, механикийн заводынхон стандарт нутагшуулах явцад гаргасан үр дүн буюу сайжруулалтын болон давуу талуудаа үзүүлэхийн зэрэгцээ ажилтнуудын мэдлэг мэдээллийг дээшлүүлэх хэрэгцээ, шаардлага, сургалтын чиглэлээр ярилцах юм байна. Дотоод аудитын баг энэ бүх үйл ажиллагаатай танилцсаны дараа аудитын ажлын тайлан, үл тохирол, сайжруулах ажлын зөвлөмжүүдийг гаргаж, баталгаажуулах ажээ.
Нар 06:42 минутад мандаж 19:14 минутад жаргана.
Үс засуулвал: Өнгө зүс сайжирна
Суудал: Гал
