Засвар, угсралтын цех энэ онд таван зорилт дэвшүүлэн ажиллаж байна. Үүнд, үйлдвэрийн газрын хөрөнгө оруулалт, бүтээн байгуулалтын ажлыг графикт хугацаанд хийх, шинэ техник, технологи нэвтрүүлэх, үйл ажиллагаандаа ISO-9001 стандарт нэвтрүүлэх, Хүний нөөцийн ISO багц стандартын хэрэгжилтийг сайжруулах, цехийн хүний нөөцийн бодлоготой уг стандартыг уялдуулах, мөн ХЭМАБ-ын урьдчилан сэргийлэх ажиллагааг сайжруулахаар төлөвлөжээ. Энэ талаар цехийн ерөнхий инженер Т.Атарбаяр: “Үйлдвэрлэлийн үйл ажиллагааны чиглэлээр Баяжуулах үйлдвэрийн НБХ-ийн хоёр болон 3-р ээлжийн иж бүрэн шинэчлэлийн ажилд өөрсдийн чиг үүргийн дагуу оролцох, ШХХ-ийн молибдены шинэ өтгөрүүлэгчийг суурилуулах гэх зэрэг томоохон ажлыг хийхээр төлөвлөсөн. Хүний нөөц, бүтээмжийн чиглэлээр ажилтнуудаа сургаж хөгжүүлэх, чадамжийн стандартыг чанаржуулж, үйл ажиллагаандаа бүрэн нэвтрүүлэх, ажиллах хүчний төлөвлөлтийг сайжруулахад чиглэсэн бүтээлч ажлыг жилийн турш хийнэ. Он гарсаар Засвар, угсралтын хэсгийн хамт олон Баяжуулах үйлдвэрийн ӨНХ-ийн ММС-1 тээрмийн өндөр хүчдэлийн давтамж хувиргагч болон хөдөлгүүр солих ажилд механикийн чиглэлээр ажилласан. Мөн энэ ажлыг цахилгааны хэсгийнхэн маань Цахилгаан цех болон Баяжуулах үйлдвэрийн цахилгааны албатай хамтран гүйцэтгэсэн. Өнөөдрийн байдлаар Баяжуулах үйлдвэрийн ШХХ дээр компрессор шинээр суурилуулах ажлын бэлтгэл хангаж байна” гэж ярилаа.
2023-03-27
Билгийн тооллын 6
Нар 06:42 минутад мандаж 19:14 минутад жаргана.
Үс засуулвал: Өнгө зүс сайжирна
Суудал: Гал
