Эрдэнэт үйлдвэрийн удирдах ажилтнуудын ээлжит шуурхай зөвлөгөөний эхэнд Ерөнхий инженер Т.Батмөнх 2027 оны бизнес төлөвлөгөө, хөрөнгө оруулалтын төлөвлөгөө, дунд хугацааны стратеги төлөвлөлт, түүнд тулгарч буй хүндрэл бэрхшээлийн талаар мэдээлэлдээ багтаахыг бүтцийн нэгжүүдийн удирдлагуудад урьдчилан сануулснаар хуралдаан эхлэв.
Өнөөдрийн байдлаар 2465 тонн буюу 28 хоногийн дизель түлшний нөөцтэй, дараагийн нийлүүлэлт төлөвлөгөөний дагуу хийгдэхээр хэмжээнд, бүрдүүлэлт боломжийн явааг Үйлдвэрлэл, техникийн хэлтсээс мэдээллээ. Мөн 10,000 тонн өвлийн түлшний тендер зарлагджээ.
Есдүгээр сарын эхний зургаан хоногт Эрдэнэт үйлдвэр төлөвлөгөөнөөс 72,5 мянган м3 уулын цул илүү гаргаж, хөрс хуулалтыг 49,2 мянган м3 -ээр давуулж, 18,6 мянган тонн хүдэр илүү боловсруулжээ. Өөрөөр хэлбэл, үйлдвэрлэлийн бүх үзүүлэлт 100 давсан хувиар биелсэн байна.
Баяжуулах үйлдвэр намар, өвлийн бэлтгэлийн 15 ажил төлөвлөснөөс 50 хувийн гүйцэтгэлтэй явна. Эрүүл мэндийн урьдчилан сэргийлэх үзлэгт 954 ажилтан хамрагджээ. Хөрөнгө оруулалт, бүтээн байгуулалтын ажлууд төлөвлөсний дагуу үргэлжилж байгааг мэдээллээ. Өнгөрсөн амралтын өдрүүдэд хүдэр бэлтгэлийн I шугамын бүтээн байгуулалтын 1100 болон 1400 дээр цутгалт амжилттай хийгджээ. Мөн хаягдал өтгөрүүлэх технологи нэвтрүүлэх ажлын хөрс хуулалт эхэлсэн байна.
Оны эхний найман сарын байдлаар “Эрдэнэт үйлдвэр” ТӨҮГ-ын гүйцэтгэх удирдлагад 3039 баримт бичиг ирсэн бөгөөд шийдвэрлэлт 91,4 хувьтай байна. Харин Эрдэнэт үйлдвэрээс гаднын байгууллагад 1469 бичиг илгээсний шийдвэрлэлт 92,7 хувьтай байв. Дээд газрын тогтоол шийдвэр 39 ирсэн, шийдвэрлэлт 80,7 хувьтай байна. Иймд холбогдох бүтцийн нэгжийн удирдлагууд хэрэгжилтийг хангаж ажиллахыг Хүний нөөц, захиргааны хэлтсээс анхааруулав.
Шуурхай зөвлөгөөний төгсгөлд Ерөнхий инженер Т.Батмөнх, цаашид хуучин хаягдлын аж ахуйг хаахын тулд далангийн тогтворжилт, геотехникийн болон аюулгүй байдлыг хангах асуудлууд, шинжлэх ухааны байгууллагуудын гаргасан дүгнэлт, зөвлөмжүүдийг хэрэгжүүлэх зэрэг маш том хариуцлага өмнө байгааг цохон тэмдэглээд, онцгой анхаарал хандуулж ажиллахыг үүрэг болгов. Мөн Ил уурхайн хөрсний тээвэрт Мөчлөгт урсгалт тээврийн технологи нэвтрүүлэхэд гарах үр дүнгийн тооцооллыг Авто тээврийн цехтэй хамтран гаргах, Ус хангамжийн цехэд усны эх үүсвэрийн судалгааг энэ онд багтаан дуусгах үүрэг чиглэл өглөө.
Нар минутад мандаж минутад жаргана.
Үс засуулвал: 
Суудал: 
