Хөдөлмөрийн аюулгүй байдал, эрүүл ахуйн хэлтсээс Эрдэнэт үйлдвэрийн бүтцийн нэгжийн ажилтнуудын хөдөлмөрийн эрүүл ахуйн мэдлэг, ур чадварыг дээшлүүлэх, хөдөлмөрийн нөхцөлийн хэмжилт, сорьц цуглуулалт хийх хүний нөөцийг нэмэгдүүлэх зорилгоор “Эрүүл ахуйн техникч” бэлтгэх сургалтыг зохион байгуулж байна.
Тус сургалтыг АШУҮИС-ийн Нийгмийн эрүүл мэндийн сургуультай хамтын ажиллагааны хүрээнд, өнгөрсөн наймдугаар сарын 08-наас эхлүүлсэн бөгөөд гурван сарын хөтөлбөрийг нэг сард багтаан, эрчимжүүлсэн хэлбэрээр хэрэгжүүлж байгаа юм. Сургалтад “Эрдэнэт үйлдвэр” ТӨҮГ-ын бүтцийн нэгжүүдээс нийт 18 ажилтан хамрагдаж, хөдөлмөрийн эрүүл ахуйн үндсэн ойлголт, хэмжилт, сорьц цуглуулалт болон холбогдох арга зүйн мэдлэг, ур чадварыг эзэмшиж байна.
Уг сургалтад хамрагдсан ажилтнууд цаашид өөрийн харьяалах бүтцийн нэгжид хөдөлмөрийн эрүүл ахуйн хэмжилт, сорьц цуглуулах ажилд оролцохоос гадна шаардлагатай тохиолдолд хөдөлмөрийн эрүүл ахуйчийг орлон ажиллах юм.
Монгол Улсад хөдөлмөрийн нөхцөлийн үнэлгээтэй холбоотой MNS 5080:2023 стандарт шинээр батлагдан хэрэгжиж эхэлсэнтэй холбоотойгоор хөдөлмөрийн нөхцөлийн үнэлгээнд эрүүл мэндийн эрсдэлийн үнэлгээг тусгах шаардлага бий болжээ. Үүнтэй уялдан сорьц цуглуулалт, хэмжилт, шинжилгээний ажлын цар хүрээ нэмэгдэж байна. Иймд уг ажлыг шуурхай, чанартай зохион байгуулахад шаардлагатай хүний нөөцийг нэмэгдүүлэх, мэргэжлийн ажилтнуудад дэмжлэг үзүүлэх “Эрүүл ахуйн техникч” бэлтгэж байна.
Ингэснээр, бүтцийн нэгжүүдийн хөдөлмөрийн эрүүл ахуйн чиглэлийн оролцоо нэмэгдэж, ажлын байрны эрсдэлийг илүү бодитой тодорхойлох, ажилтнуудын эрүүл мэндийг хамгаалах, урьдчилан сэргийлэх арга хэмжээг хэрэгжүүлэх чухал ач холбогдолтой юм.
Нар минутад мандаж минутад жаргана.
Үс засуулвал: 
Суудал: 
