ШУТИС-ийн Эрдмийн зөвлөлийн 2026 оны 06 дугаар сарын 12-ны өдрийн тогтоолоор “Эрдэнэт үйлдвэр” ТӨҮГ-ын Ерөнхий захирал, Геологи, минералогийн ухааны доктор Гэлэнгийн Ёндонд ШУТИС-ийн “Хүндэт доктор” цол өргөмжлөхөөр шийдвэрлэсэн байна. “Хүндэт доктор” цол өргөмжлөх ёслолын ажиллагаа өнөөдөр тус сургуулийн Эрдмийн зөвлөлийн танхимд боллоо.
“Эрдэнэт үйлдвэр” ТӨҮГ-ын Ерөнхий захирал Г.Ёндон нь Монгол Улсад инженер, технологийн чиглэлээр үндэсний дээд боловсролтой мэргэжилтэн бэлтгэх чиглэлээр Шинжлэх ухаан, технологийн их сургуулийн сургалт, судалгааны орчныг бэхжүүлэх, багш, оюутны мэргэжлийн ур чадварыг дээшлүүлэх, их сургуулийн эрдэм шинжилгээ, инновацыг хөгжүүлэхэд үнэтэй хувь нэмэр оруулсныг үнэлж, ийнхүү нэр хүндтэй цолоор өргөмжлөв.
"Эрдэнэт үйлдвэр" ТӨҮГ болон Шинжлэх Ухаан Технологийн Их Сургууль урт хугацааны хамтын ажиллагааны гэрээтэй ажилладаг. Энэ нь хүний нөөцийн төлөвлөлт, бүрдүүлэлт, хэрэглээний судалгаа хөгжүүлэлт, шинэ технологи бий болгох, инженерүүдийн ур чадварыг дээшлүүлэх, үйлдвэрлэлийг шинжлэх ухаанд, шинжлэх ухааныг үйлдвэрлэлд ойртуулах чухал алхам болж байгааг судлаачид онцолж байна.
Нар минутад мандаж минутад жаргана.
Үс засуулвал: 
Суудал: 
