Эрдэнэт үйлдвэрийн Эмэгтэйчүүдийн холбооны 2026 оны үйл ажиллагааны төлөвлөгөөний хуваарийн дагуу Барилга, засварын цехийн Эмэгтэйчүүдийн зөвлөл “Энэрэл” төвийн хүүхдүүдэд “Ном унших цаг” гаргалаа.
Барилгачин бүсгүйчүүд “Энэрэл” зусланд энэхүү үйл ажиллагаагаа зохион байгуулсан бөгөөд хүүхдүүдэд үлгэрийн ном уншин өгч, уншсан бүтээлийнхээ утга агуулгын талаар ярилцан, хүүхэд бүрийн санал бодлыг сонсож, халуун дулаан, дотно уур амьсгалыг бүрдүүлэв.
Энэ үеэр хүүхдүүдийн нас, сонирхолд нийцүүлэн бүтээлч сэтгэлгээг хөгжүүлэх олон төрлийн үйл ажиллагааг зохион байгуулсан юм. Бага насны хүүхдүүдтэй үлгэрийн ном уншиж, зураг зурж, эвлүүлдэг бүтээл урласан бол дунд болон ахлах ангийн хүүхдүүдтэй чөлөөт сэдвээр ярилцаж, буддаг тоглоом бүтээх, эсгий наамал урлал хийжээ.
Мөн “Явган алхалтын ном” танилцуулж, явган алхахын ач холбогдол, эрүүл амьдралын хэв маяг, эрүүл мэнддээ анхаарахын үнэ цэний талаар хүүхдүүдтэй ярилцан, тэдний идэвхтэй оролцоог өрнүүлэв. Ийнхүү мэдлэг түгээж, бүтээлч үйл ажиллагаа өрнүүлж, инээд хөөрөөр дүүрэн нэгэн өдрийг хамтдаа өнгөрүүлсэнд “Энэрэл” төвийн хүүхдүүд талархал илэрхийлж, сэтгэл дүүрэн байгаагаа хуваалцлаа.
Эмэгтэйчүүдийн холбооноос зохион байгуулж буй энэ үйл ажиллагаа нь хүүхэд багачуудын ном унших сонирхлыг нэмэгдүүлэх, бүтээлч сэтгэлгээг хөгжүүлэхийн зэрэгцээ тэдэнд хайр халамж, урам зориг мэдрүүлсэн үр өгөөжтэй үйл ажиллагаа болж байгааг уурхайчин бүсгүйчүүд онцолж байна.
Нар минутад мандаж минутад жаргана.
Үс засуулвал: 
Суудал: 
