“Эрдэнэт үйлдвэр” ТӨҮГ-ын удирдах ажилтны даваа гаргийн ээлжит шуурхай зөвлөгөөн өнөөдөр болж, Ерөнхий инженер Т.Батмөнх удирдлаа. Өнгөрсөн долоо хоногт үйлдвэрийн газрын хэмжээнд өндөр эрсдэлтэй 16 ажил гүйцэтгэж, Авто тээврийн цехэд хөдөлмөрийн эрүүл мэнд, аюулгүй байдлын дөрөвдүгээр шатны үзлэг хийгдэж, “Хангалттай” үнэлгээ авчээ. Сургалтад нийт 496 хүн хамрагдсан байна.
Өнгөрөгч лхагва гаргаас эхлэн байгаль орчны хяналтын улсын байцаагчид долоон цехийн үйл ажиллагаанд хяналт, шалгалт хийж байгааг Байгаль орчин, ногоон хөгжлийн хэлтсээс мэдээллээ. Оны эхний зургаан сарын байдлаар үйлдвэрлэлийн төлөвлөгөөт үзүүлэлтүүд бүрэн биелж байна. Эрдэнэт үйлдвэрийн цех, нэгжүүдийн хавар, зуны бэлтгэл ажлын төлөвлөгөөний биелэлт 71,2 хувьтай байгаа юм.
Үйлдвэрийн газрын хэмжээнд өргөтгөл шинэчлэл, бүтээн байгуулалтын ажил хуваарийн дагуу үргэлжилж байна. Эрдэнэт үйлдвэрийн уурхайчдын 2026 оны эрүүл мэндийн урьдчилан сэргийлэх үзлэг тавдугаар сарын зургааны өдрөөс эхэлсэнтэй холбогдуулан цех, нэгжүүдийг батлагдсан хуваарийн дагуу ажилтнуудаа хамруулахад анхаарахыг Нийгмийн харилцааны хэлтсийн дарга Д.Өнөбат мэдээлэлдээ хэлсэн.
Их зогсолтын бэлтгэл ажил, нормчлогдсон материалын нөөц бүрдүүлэлт, бүтээн байгуулалтын ажилд онцгой анхаарч ажиллахыг Ерөнхий захирал Г.Ёндон шуурхай зөвлөгөөнөөс үүрэг болголоо.
Нар минутад мандаж минутад жаргана.
Үс засуулвал: 
Суудал: 
