“Гал морин” жилийн Сар шинийн баярыг тохиолдуулан Эрдэнэт үйлдвэрийн Ил уурхайн 2025 оны үйлдвэрлэлийн төлөвлөгөөт зорилтыг ханган биелүүлэхэд идэвх санаачилга гарган, өндөр үр бүтээлтэй ажилласан шилдэг ажилтнуудыг, улирч буй Модон могой жилийн “Хөдөлмөрийн аварга”-аар шалгаруулан алдаршууллаа.
Бүтцийн нэгжийн удирдлагын 2026 оны 02 дугаар сарын 09-ний өдрийн Б/68 тоот тушаалаар Ил уурхайн 2025 оны хөдөлмөрийн аваргуудыг тодруулж, аварга тус бүрийг 1.8 сая төгрөгөөр урамшуулав.
Ил уурхайн 2025 оны “Хөдөлмөрийн аварга”-аар Өрөмдлөг тэсэлгээний хэсгийн тэсэлгээчин Гомбосүрэнгийн Эрдэнэсүрэн, Уулын ажлын хэсгийн экскаваторын машинч Хорхойн Норонпил, Уулын тоног төхөөрөмжийн засварын хэсгийн тоног төхөөрөмжийн засварын механикч Даваа-Осорын Оюундэлгэр, Зам овоолгын хэсгийн бульдозерын машинч Цэенцогзолын Төгсжаргал, Цахилгаан тоног төхөөрөмжийн засварын хэсгийн тоног төхөөрөмжийн цахилгаанчин Мөнхжаргалын Гочоосүрэн, Үйлдвэр техникийн товчооны ахлах мастер, уурхайн диспетчер Нармандахын Эрдэнэтулга нар шалгарлаа.
Энэ үеэр Ил уурхайн Эрчим зүйч Ж.Энхцоожийг Орхон аймгийн “Хүндэт тэмдэг”-ээр шагнав. Эдгээр ажилтнууд нь үйлдвэрлэлийн тасралтгүй ажиллагааг хангах, техник тоног төхөөрөмжийн найдвартай ажиллагааг дэмжих, хөдөлмөрийн бүтээмжийг нэмэгдүүлэхэд бодит хувь нэмэр оруулж, хамт олноо манлайлсан шилдгүүд юм. Ил уурхайн хамт олон хөдөлмөрийн аваргуудынхаа амжилтыг өндрөөр үнэлж, цаашдын ажил үйлсэд нь өндөр амжилт хүсэн ерөөлөө.
Нар минутад мандаж минутад жаргана.
Үс засуулвал: 
Суудал: 
