Орхон аймаг, Эрдэнэт хотын 50 жилийн ойн нэрэмжит Е-спортын тэмцээн өнөөдөр эхэллээ.
Залуучуудын чөлөөт цагийг зөв боловсон өнгөрүүлэх, цахим спортын ур чадварыг хөгжүүлэх, багийн хамтын ажиллагаа, байгууллага хоорондын нөхөрлөлийг бэхжүүлэх зорилготой уг тэмцээн “Counter Strike 2”, PUBG Mobile гэсэн хоёр төрлөөр зохион байгуулагдаж байна.
“Counter Strike 2” төрөлд 36 багийн 180 тамирчин, PUBG Mobile төрөлд 18 багийн 72 тамирчин оролцож, оюуны болон сэтгэл зүйн төвлөрөл, хурд, багийн ажиллагаа, тактик, стратеги сэтгэлгээгээ сорин өрсөлдөж байгаа юм.
Тэмцээнд Орхон аймагт үйл ажиллагаа явуулдаг аж ахуйн нэгж, байгууллагууд болон аймгийн багууд оролцож байгаа бөгөөд “Эрдэнэт үйлдвэр” ТӨҮГ-ын залуус дөрвөн баг бүрдүүлэн хүч үзэж байна.
Е-спортын тэмцээн 2026 оны хоёрдугаар сарын 8-ны өдрийг хүртэл үргэлжилж, шилдэг багууд, үнэ цэнтэй тоглогчид тодорч цом, медаль, мөнгөн шагнал хүртэх юм.
Тэмцээнийг Орхон аймгийн Засаг даргын Тамгын газар, “Эрдэнэт үйлдвэр” ТӨҮГ-ын Хамтын ажиллагаа, нийгмийн харилцааны бодлогын газар, Залуучуудын холбоо, Спорт цогцолбор, Соёл, урлагийн цогцолбор, Холбоо, мэдээллийн технологи, автоматжуулалтын цех, SDY–Орхон салбар, “Yes Mongolia” ТББ хамтран зохион байгуулж байна.
Нар минутад мандаж минутад жаргана.
Үс засуулвал: 
Суудал: 
