XYII жарны гал морь жилийн сар шинийн баярыг тохиолдуулан Баяжуулах үйлдвэр 2025 оны үйлдвэрлэлийн төлөвлөгөөт зорилтыг биелүүлэхэд идэвх санаачилга гарган хамт олноо манлайлан ажиллаж, хөдөлмөрийн гарамгай амжилт гаргасан ажилтнуудыг Хөдөлмөрийн аваргаар өргөмжлөх ёслол хүндэтгэлийн үйл ажиллагаа Эрдэнэт үйлдвэрийн Ернхий захиргааны “Оюу” танхимд өнөөдөр боллоо.
Баярын энэхүү үйл ажиллагааг нээж, Баяжуулах үйлдвэрийн Ерөнхий инженер Г.Цогтгэрэл хэлсэн үгэндээ, улирч буй могой жилд Баяжуулах үйлдвэрийн хамт олон үйлдвэрлэлийн үндсэн үзүүлэлтүүдээр түүхэн дээд амжилт тогтоосныг онцлов. Тухайлбал, 39.9 сая тонн хүдэр боловсруулж, төлөвлөгөөг 255.0 мянган тонноор давуулан биелүүлжээ. Мөн 5669.08 тонн зэсийг зэсийн баяжмалд, 30.29 тонн молибденыг молибдены баяжмалд тус тус илүү үйлдвэрлэсэн байна. Түүнээс гадна өргөтгөл шинэчлэл, бүтээн байгуулалтын ажлуудыг үе шаттай хэрэгжүүлэн ажиллахад баяжуулагч бүрийн хичээл зүтгэл, хөлс хүч, ур чадвар, манлайлал байгааг тэрээр цохон тэмдэглэсэн.
XYII жарны “Элдэв Эрдэнэт” хэмээх модон могой жилийн Хөдөлмөрийн аварга баяжуулагчаар Бутлан тээвэрлэх хэсгийн тээрмийн машинч Нэргүйн Цэнд-Аюуш, цахилгаанчин Баярхүүгийн Бат-Энх, конвейерийн машинч Дашдоржийн Энхтүвшин, Өөрөө нунтаглах хэсгийн тээрмийн машинч Доржсүрэнгийн Баянболд, тоног төхөөрөмжийн засварчин Дашсамбуугийн Эрдэнэхуяг, Нунтаглан баяжуулах хэсгийн тоног төхөөрөмжийн засварын механикч Дамдинсүрэнгийн Бат-Эрдэнэ, тээрмийн машинч Алтанхундагын Алтанбаяр, гүүрэн кранчин Гришийн Нарантуяа, хяналтын оператор Пүрэвсүрэнгийн Бямбасүрэн, Шүүн хатаах хэсгийн тоног төхөөрөмжийн ээлжийн засварчин Баяндалайн Бат-Эрдэнэ, цахилгаанчин Цэрэнжавын Мөнх-Эрдэнэ, Урвалжийн хэсгийн уусгагч Гэрэлийн Нямдаваа, Хаягдлын аж ахуйн хэсгийн цахилгаан тоног төхөөрөмжийн ээлжийн засварчин Энхтайваны Жамбалсүрэн, Засварын хэсгийн цахилгаан ба хийн гагнуурчин Жанцандоржийн Чинсайхан, Цагаанхүүгийн Цогтбаяр, Ганбаатарын Ерэнбүргэд, Төлөвлөлт, шинжилгээний товчооны хөдөлмөрийн Тэрүүлэх эдийн засагч Жамсранжавын Дорждулам, Дулаан агааржуулалтын хэсгийн цахилгаан ба хийн гагнуурчин Шархүүгийн Мөнх-Оргил, Цахилгаан хөтлүүр, автоматжуулалтын хэсгийн техникийн программ зохиогч инженер Байгабилын Жарканбек, Дотоод тээврийн хэсгийн экскаваторын машинч Цолмонгийн Эрдэнэсүх нар тодорч, шагналаа гардлаа. Хөдөлмөрийн аваргуудыг “Хүндэт самбарт” алдаршуулж, хоёр сая төгрөгөөр тус тус шагнаж урамшуулав.
Энэ үеэр Аж үйлдвэр, эрдэс баялгийн сайдын тушаалаар Баяжуулах үйлдвэрийн Шүүн хатаах хэсгийн гүүрэн кранчин Д.Батцэцэг, шүүлтүүрчин С.Баярмаа нарыг “Тэргүүний уурхайчин” цол тэмдгээр шагнасныг гардуулж, баяр хүргэсэн юм.
Нар минутад мандаж минутад жаргана.
Үс засуулвал: 
Суудал: 
