Эрдэнэт үйлдвэрийн Соёл, урлагийн цогцолбороос жил бүр уламжлал болгон зохион байгуулдаг “Миний эх орон” ангиараа уран унших 11 дэх удаагийн уралдааны сүүлчийн шатны шалгаруулалт өнөөдөр амжилттай болж, шилдгүүд тодорлоо.
Өмнө жилүүдэд Орхон аймгийн Ерөнхий боловсролын сургуулийн гуравдугаар ангийн сурагчдын дунд зохион байгуулагддаг байсан бол энэ удаа хүрээгээ тэлж, хойд бүсийн хэмжээнд буюу Булган, Сэлэнгэ, Орхон, Хөвсгөл, Дархан-Уул аймгийн 23 сургуулийн 33 бүлгийн 1000 гаруй сурагч шүлгийн сонголт, уран уншлага, сэтгэмж авьяасаараа өрсөлдсөн юм.
Хоёр үе шаттай явагдсан уг уралдааны сүүлчийн шатанд Хөвсгөл аймгийн Мөрөн хотын “Эрдмийн далай” сургуулийн Монгол Улсын Зөвлөх багш Н.Цолмонгийн 3б анги, Сэлэнгэ аймгийн V сургуулийн Б.Ууганзаяа багштай хамт олон, Дархан-Уул аймгийн “Оюуны ирээдүй” цогцолбор сургуулийн Д.Тэгшбаяр багштай 310 анги, Эрдэнэт хотын III сургуулийн Н.Жавзанпагма багштай 3в анги, Булган аймгийн Хутаг-Өндөр сумын Б.Нарантуяа багштай 3б зэрэг долоон анги шалгарчээ. Үүнээс Орхон аймгийн Ерөнхий боловсролын XIV сургуулийн Э.Мөнхтуул багштай 3б ангийн сурагчид тэргүүн байрт шалгарч, өргөмжлөл нэг сая төгрөгийн шагнал хүртлээ. Харин дэд байрт Хөвсгөл аймгийн Мөрөн хотын “Эрдмийн далай” сургуулийн Монгол Улсын Зөвлөх багш Н.Цолмонгоор удирдуулсан 3б анги, гутгаар байрт Орхон аймгийн I сургуулийн Х.Отгонтөгс багштай 3а анги тус тус шалгарч, өргөмжлөл, мөнгөн шагналын эзэд болов. Сүүлчийн шатанд шалгарсан бусад ангиуд тусгай байрын шагнал хүртлээ.
Нар минутад мандаж минутад жаргана.
Үс засуулвал: 
Суудал: 
