Тэртээ, “Эрдэнэт” үйлдвэрийн анхны бүтээн байгуулалттай зэрэгцэн, тэнд ажиллах уул уурхайн мэргэжлийн ажилчдыг сургаж, бэлтгэх зорилгоор “Сургалтын төв” нэртэй нээгдэж байсан, Ш.Отгонбилэгийн нэрэмжит “Эрдэнэт цогцолбор” дээд сургуулийн хагас зуун жилийн түүхэн ой энэ өдрүүдэд тохиож байна. Түүхт 50 жилийн ойд зориулсан баярын хурал, хүндэтгэлийн үйл ажиллагаа өнөөдөр Соёл, урлагийн цогцолборын их танхимд боллоо.
Ойн баярын хуралд УИХ-ын гишүүн, доктор Д.Үүрийнтуяа, Орхон аймгийн Засаг дарга Б.Зоригтбаяр, “Эрдэнэт үйлдвэр” ТӨҮГ-ын Ерөнхий захирал, доктор Г.Ёндон, “Эрдэнэт үйлдвэр” ТӨҮГ-ын Ерөнхий инженер, ЭЦДС-ийн Удирдах зөвлөлийн дарга, доктор Т.Батмөнх, Эрдэнэт үйлдвэрийн анхны Монгол Ерөнхий захирал, Монгол Улсын Хөдөлмөрийн баатар, доктор Ш.Отгонбилэг агсны гэргий, доктор Д.Туяа, ЭЦДС-ийн захирал асан, доктор профессор С.Давааням, дэд профессор Б.Мажинбуу, Монгол Улсын Гавьяат багш, доктор Ш.Ганбат, Монгол Улсын гавьяат багш С.Мэнджаргал, Монгол Улсын гавьяат багш П.Оюунсүрэн, ШУТИС-ийн Хүндэт доктор, профессорууд, тус сургуулийн үе үеийн эрдэмтэн багш, ажилтнууд, оюутан, төгсөгчдийн төлөөлөл оролцлоо.
Баярын үйл ажиллагааг нээж, тус сургуулийн Захирал, доктор Д.Заяабаатар хүндэт зочдодоо 50 жилийн ойн баярын мэнд хүргэж, УИХ-ын гишүүн Д.Үүрийнтуяа баярын мэндчилгээ дэвшүүллээ. Тэрээр, “Эрдэнэт цогцолбор дээд сургууль зөвхөн Эрдэнэт үйлдвэрийн төдийгүй Монголын Уул уурхайн салбарын 100 жилийн тэн хагаст нь уул уурхайн мэргэжлийн ажилчид, инженер мэргэжилтнүүдийг тасралтгүй, нэр төртэй бэлтгэж ирсэн нь энэ сургууль, хамт олны үнэт зүйл, бахархалт бүтээл” хэмээн тодотгож, хагас зууны босгон дээр “Эрдэнэт цогцолбор” их сургууль болсныг онцлон тэмдэглэв.
Мөн тус сургуулийн төгсөгч, УИХ-ын гишүүн, Засгийн газрын гишүүн, Батлан хамгаалахын сайд Д.Батлутын мэндчилгээг түүний бие төлөөлөгч Г.Батсуурь уламжилсан.
Түүнчлэн, Орхон аймгийн Засаг дарга Б.Зоригтбаяр, ИТХ-ын даргын зөвлөх, Монгол Улсын гавьяат багш, доктор Ш.Ганбат нар баяр хүргэж мэндчиллээ.
“Эрдэнэт үйлдвэр” ТӨҮГ-ын Ерөнхий захирал, доктор Г.Ёндон уул уурхайн салбарт эрдмийн уурхайг бүтээсэн “Эрдэнэт цогцолбор” дээд сургуулийн хамт олон, багш сурган хүмүүжүүлэгчид, оюутан суралцагчдад хандан, бахархалт 50 жилийн ойн мэндийг хүргэхийн зэрэгцээ цаашид тус сургуулийг сургалт, үйлдвэрлэл, шинжлэх ухааны төв цогцолбор хотхон болгон хөгжүүлэхэд Эрдэнэт үйлдвэр бүхий л талаар дэмжин ажиллана гэдгээ илэрхийллээ.
Түүнчлэн, “Эрдэнэт үйлдвэр” ТӨҮГ-ын Ерөнхий инженер, “Эрдэнэт цогцолбор” дээд сургуулийн Удирдах зөвлөлийн дарга, доктор Т.Батмөнх баярын мэндчилгээ дэвшүүлсэн. Мөн Эрдэнэт үйлдвэрийн анхны Монгол Ерөнхий захирал, доктор Ш.Отгонбилэг агсны гэргий, Эрүүлийг хамгаалахын гавьяат ажилтан, доктор Д.Туяа баярын мэндчилгээ дэвшүүлж, “Монгол-21” сангийн дурсгалын зүйлийг гардуулав. Энэ үеэр, ойн баярын үйл ажиллагаанд хүрэлцэн ирсэн ШУТИС-ийн Ректор, доктор профессор Т.Намнан мэндчилгээ дэвшүүлж, баяр хүргэсэн.
Энэ өдөр хагас зуун жилийн ой баяраа тэмдэглэж буй “Эрдэнэт цогцолбор” дээд сургуулийн зарим багш, ажилтнуудад Төрийн болон Засгийн газар, салбарын шагнал гардуулж, баяр дээр нь баяр нэмлээ. “Хөдөлмөрийн хүндэт медаль”-аар “Эрдэнэт цогцолбор” дээд сургуулийн багш Ч.Лхагвасүрэн, Номын сангийн эрхлэгч Д.Цэнд-Аюуш, Шинжлэх ухааны тэргүүний ажилтан цол тэмдгээр Механикийн тэнхимийн багш, доктор С.Эрдэнэбат, “Боловсролын тэргүүний ажилтан” цол, тэмдгээр багш Ш.Сансарсайхан, тэргүүлэх мэргэжилтэн Б.Баярдулам нар шагнууллаа. Орхон аймгийн ИТХ-ын “Иргэний төлөө” медаль, Орхон аймгийн “Хүндэт иргэн” цол тэмдгээр тус сургуулийн багш, ажилтнуудыг шагнасан.
Нар минутад мандаж минутад жаргана.
Үс засуулвал: 
Суудал: 
