Эрдэнэт үйлдвэрийн Аж ахуй, үйлчилгээний цехийн 50 жилийн ойн хүрээнд зохион байгуулагдаж буй Хойд бүсийн Нийтлэг үйлчилгээний ажилтнуудын ажил мэргэжлийн уралдаан өнөөдөр эхэллээ. Уг уралдаанд Орхон, Булган, Хөвсгөл аймгийн 15 багийн 30 гаруй үйлчилгээний ажилтан мэргэжлийн ур чадвараа сорин өрсөлдөж байна.
“Ажлын байрны цэвэрлэгээ, үйлчилгээнд тавих ерөнхий шаардлага” CS61-0033:2020-ыг нэвтрүүлэх, түгээн дэлгэрүүлэх, харилцан туршлага солилцох ажлын чанар, арга барилыг сайжруулах зорилгоор зохион байгуулж буй энэхүү тэмцээнийг нээж, “Эрдэнэт үйлдвэр” ТӨҮГ-ын Аж ахуй, үйлчилгээний цехийн дарга Б.Туяа хэлсэн үгэндээ, “2021 оноос улсын хэмжээнд цэвэрлэгээ үйлчилгээний стандартыг хэрэгжүүлэхээр зорьж, Нийтлэг үйлчилгээний ажилчдын ажил мэргэжлийн Улсын уралдааныг анх санаачлан зохион байгуулж байлаа. Улсын уралдаанд 13 аймгийн цэвэрлэгээ үйлчилгээний ажилчид Эрдэнэтэд ирж оролцож байсан нь саяхан мэт боловч түүнээс хойш таван уралдааны ард гарчээ.” Энэ хэрээр стандартын хэрэгжилт сайжирч, үйлчилгээний ажилчдын үнэлэмж дээшилснийг онцлоод, уралдаанд оролцогчдод амжилт хүслээ.
Ажил мэргэжлийн уралдаанд оролцогчид онолын мэдлэг болон ур чадварын даалгавар гүйцэтгэх бөгөөд ариун цэврийн өрөөний, албан тасалгааны өрөөний цэвэрлэгээ үйлчилгээ гэсэн хоёр төрлөөр явагдах юм. Үйлчилгээний ажилчдын нийлбэр үнэлгээгээр багийн дүн гарна.
Хойд бүсийн нийтлэг үйлчилгээний ажилчдын ажил мэргэжлийн уралдааны шүүгчээр Төр засгийн үйлчилгээ эрхлэх газрын Чанарын ахлах мэргэжилтэн Б.Энхтөр, “Эрдэнэт үйлдвэр” ТӨҮГ-ын Хүний нөөц, захиргааны хэлтсийн мэргэжилтэн Э.Эрдэнэтуул, Аж ахуй, үйлчилгээний цехийн үйлчилгээний Тэргүүлэх мэргэжилтэн Д.Амаржаргал нар ажиллаж байна.
Нар минутад мандаж минутад жаргана.
Үс засуулвал: 
Суудал: 
