Дотоод хяналт, мониторингийн хэлтэс нь “Эрдэнэт үйлдвэр” ТӨҮГ-т эрсдэлийн удирдлагын тогтолцоог нэвтрүүлэх, хэрэгжилтийг нэгдсэн бодлого, удирдлагаар хангах чиг үүрэгтэй ажилладаг. Энэ ажлын хүрээнд Эрдэнэт үйлдвэрт “Эрсдэлийн соёлыг төлөвшүүлэх хөтөлбөр-2025”-ийг батлан хэрэгжүүлж, “Эрсдэлийн удирдлагын практик” сэдвээр 9 бүтцийн нэгжид сургалт зохион байгууллаа. Сургалтаар үйлдвэрийн газрын бүтцийн нэгжүүдэд эрсдэлийг тодорхойлж, бүртгэх, эрсдэлийн үнэлгээ хийх, хариу арга хэмжээний төлөвлөгөө боловсруулах, түүний биелэлтийг хянахтай холбоотой арга зүйн зөвлөгөө өгч, MNS ISO 31000:2020 стандартыг хэрэгжүүлэхэд анхаарах асуудал, цаашид хэрэгжүүлэх арга хэмжээ болон зорилтын талаар тодорхой мэдлэг, мэдээлэл өглөө. Энэ үеэр ажилтан бүр эрсдэлээ зөв тодорхойлох, бүртгэх, үнэлэх чиглэлээр тулгамдаж буй асуудлаа нээлттэй ярилцаж, цаашдын үйл ажиллагаандаа тусган хэрэгжүүлэх болсон нь уг сургалтын ач холбогдол, үр дүнг харуулж байгаа юм. Уг сургалтыг 2025 он дуустал холбогдох бүтцийн нэгжүүдэд батлагдсан хуваарийн дагуу зохион байгуулахаар төлөвлөжээ. Дотоод хяналт, мониторингийн хэлтсийн Стандарт, эрсдэлийн нэгдсэн удирдлагын тэргүүлэх мэргэжилтэн Т.Ууганбаяр хэлэхдээ:”Үйлдвэрийн бүтцийн нэгжүүд дээр эрсдэлийн удирдлагын сургалт явуулж,түүнтэй холбоотой дүрэм журам, мэдээ мэдээллийг хүргэн ажиллалаа. Сургалтууд явагдсанаар ажилчид эрсдэлээ тодорхойлох, бүртгэх, эрсдэлээ үнэлэх боломжтой. Нөгөө талаар ажилчид эндээс олж авсан мэдлэгтээ тулгуурлан эрсдэлийн удирдлагыг оновчтой удирдах, ирээдүйд гарч болзошгүй эрсдэлээс урьдчилан сэргийлж чадах юм” гэв.
Нар минутад мандаж минутад жаргана.
Үс засуулвал: 
Суудал: 
