“Мэдлэг хуваалцах өдөрлөг” боллоо

Ус хангамжийн цехийн хамт олны “Мэдлэг түгээх ажлын байр” үйлдвэрийн хэмжээнд тэргүүн эзэлсэн. Энэхүү байрандаа өнөөдөр “Мэдлэг хуваалцах өдөрлөг”-ийг зохион байгууллаа. Өдөрлөгт 48 инженер техникийн ажилтнууд оролцож, ажлын арга барил, мэргэжлийнхээ ур чадварынхаа талаар санал бодлоо солилцов. Уг өдөрлөгийг ажилтнуудын гаргасан саналын дагуу дотоод нөөц боломжоо ашиглан зохион байгуулжээ. Энэ үеэр тус цехийн инженерүүд өөрсдийн хариуцсан стандартын хэрэгжилтийн талаар дэлгэрэнгүй танилцуулав. Мөн цахилгаан болон тоног төхөөрөмжийн засварчдын дунд ажил мэргэжлийн уралдаан зарлаад байна. “ Манай тоног төхөөрөмжүүд бүгд газар дор байдаг. Үүнийг шинээр ажилд орсон ажилтнуудад гаргаад үзүүлэх боломжгүй.  Тэгэхээр Мэдлэг түгээх ажлын байрандаа шинээр ажилд орсон залууст тэр харагдахгүй тоног төхөөрөмжийг зургаар үзүүлж, засвар үйлчилгээ хийхэд шаардагдах зүйлийг тайлбарласан.“Мэдлэг хуваалцах өдөрлөг”-ийн зорилго нь мэдлэг түгээх ажлын байраа сурталчлах, залуу ажилтнуудын мэдлэг мэргэжлийг дээшлүүлэх, стандартуудын хэрэгжилтийн биелэлтэд хяналт тавихад чиглэж байна гэж Хүний нөөцийн мэргэжилтэн Ж.Энхтайван ярилаа.