“Эрдэнэт үйлдвэр” ТӨҮГ хүний нөөцийн бодлогын хүрээнд шинээр ажилд орсон ажилтнуудыг байгууллагынхаа соёл, үнэт зүйл, үйлдвэрлэлийн орчинд хурдан дасан зохицоход чиглэсэн “Шинэ ажилтны дасан зохицох хөтөлбөр” тогтмол хэрэгжүүлж байна. Тус хөтөлбөрийн Ажлын хэсэг шинэ ажилтнуудад “Хувь хүний төгөлдөршил” сургалт, идэвхжүүлэх үйл ажиллагааг өнөөдөр Ерөнхий захимргааны II байрны Оюу танхимд зохион байгууллаа.
Сургалтыг бизнесийн зөвлөх, хуулийн ухааны докторант, лектор Ц.Азбаяр удирдан явуулсан бөгөөд тэрээр “Хувь хүний хөгжил ба багийн амжилт” сэдвийн хүрээнд хувь хүний төлөвшил, ажил мэргэжлийн амжилт, хамт олны уур амьсгалд үзүүлэх нөлөөллийн талаар сонирхолтой жишээ, бодит туршлагад тулгуурлан ярьсан. Үүрэг, хариуцлага, итгэл, урам, зориг, мэдрэмж, зөв хандлага, тууштай байдал, нягт нямбай чанар зэрэг төлөвшил хөгжүүлснээр ажил, амьдралын алинд ч амжилттай байх боломж бүрдэхийг онцлов.
Сургалтын үеэр Хүний нөөц, захиргааны хэлтсийн дарга О.Отгонбаяр хөтөлбөрийн оролцогч нарт хандан “Монгол Улсын Баатар Эрдэнэт үйлдвэрт ажиллах явцад ямар хүндрэл бэрхшээл тулгарч байна, сайжруулах ямар боломж харагдаж байна гэдгийг та бүхэн бидний санал асуулга дээр нээлттэй хуваалцаарай. Та бүхний санал бидний ажлыг сайжруулахад үнэтэй хувь нэмэр болно” хэмээн онцоллоо.
Ийнхүү шинэ ажилтнуудын дасан зохицох үйл явцыг зөв чиглэлтэй, зохион байгуулалттайгаар дэмжсэнээр тэд хамт олныхоо идэвхтэй нэгэн гишүүн болж, ур чадвараа хөгжүүлж, бүтээлч сэтгэлгээгээ хэрэгжүүлэх нөхцөл бүрдэж байгааг хөтөлбөрийн оролцогчид илэрхийлсэн юм.
Нар минутад мандаж минутад жаргана.
Үс засуулвал: 
Суудал: 
