Аймгийн баяр наадмын босгон дээр Эрдэнэт үйлдвэрийн Аж ахуй, үйлчилгээний цех ажилтнууддаа “Үйлчилгээний төгөлдөршил” сэдэвт үнэ цэнтэй, сонирхолтой сургалтыг өнөөдөр зохион байгууллаа.
Нийт 10 цагийн тус сургалт нь үйлдвэрийн өнгө төрх, үйлчилгээний соёлыг бүрдүүлдэг ажилтнуудын ур чадварыг ахиулах, харилцаа хандлагыг шинэ түвшинд хүргэх зорилготой юм. Сургалтыг хуульч, илтгэгч, “Хан голомт” ХХК-ийн Тэргүүн, Монголын илтгэгчдийн холбооны Ерөнхийлөгч, докторант Ц.Азбаяр удирдан явуулсан бөгөөд тэрээр сонирхолтой, хөгжилтэй, оролцоонд суурилсан арга барилаараа үйлчилгээний ажилчдын талархлыг хүлээв.
Сургалтын хүрээнд эерэг хандлага, үйлчилгээний соёл, стандарт, үйлчилгээний ажилтны харилцааны ур чадвар, биеийн хэлэмж, дүр төрх, үйлчлүүлэгчтэй харилцах соёл, зан төлөв, хэрэглэгчийн хэрэгцээ шаардлагыг ойлгох зэрэг чухал сэдвүүдээр “номын дуу” сонссон юм. Түүнчлэн, ажил мэргэжлийн онцлогийн дагуу мэндчилгээ, инээмсэглэл, эелдэг үг хэллэг, дууны өнгө, асуулт-хариултын ур чадвар, утсан харилцаа, тэвчээр, хүлээц, төвлөрөл, нүүрний илэрхийлэл, харц, гар хөлийн дохио зангаа, гар барилт, алхаа, зогсолт, суудлын зөв байдал зэрэг нарийн мэдрэмж, чадвар эзэмшүүлэх хичээлүүд ч хөтөлбөрт багтжээ.
Сургалтын төгсгөлд оролцогчид үйлчилгээний чанар, сэтгэгдэл төрүүлэх урлаг, дэлхийн чиг хандлагын талаар мэдлэгээ гүнзгийрүүлсэн сэтгэгдлээ хуваалцаж, санал дүгнэлтээ илэрхийлсэн юм.
Энэхүү сургалт нь үйлчилгээг шинэ шатанд гаргах, соёлч харилцааг төлөвшүүлэхэд чиглэсэн чухал алхам боллоо гэж оролцогчид онцолж байна.
Нар минутад мандаж минутад жаргана.
Үс засуулвал: 
Суудал: 
