"Эрдэнэт үйлдвэр" ТӨҮГ-ын Спорт цогцолборын удирдлага болон инженер, техникийн ажилтнууд багийн эв нэгдлийг бэхжүүлэх, манлайллын чадвараа хөгжүүлэх, нэг зорилгын төлөө үр дүнтэй хамтран ажиллах ур чадвараа нэмэгдүүлэх зорилгоор “Багийн ажиллагаа – Хамтын хүч” сургалтад хамрагдлаа.
Соёл, урлагийн цогцолборын фоей танхимд зохион байгуулагдсан сургалтад оролцогчид хамт олныхоо үнэ цэнийг гүнзгий ойлгож, өөрийн оролцооны ач холбогдлыг илүү тод ухамсарлах, хамт олонтойгоо зөв зүйтэй харилцах мэдлэг, арга барилд суралцсан юм. Түүнчлэн, байгууллагын эрхэм зорилго, алсын хараа, үнэт зүйл, зарчим зэрэг стратегийн үндсэн ойлголтыг танин мэдэж, байгууллагын эерэг соёлыг бүрдүүлэхэд хувь хүний үүрэг оролцоо хэр чухал болохыг ойлгож авсан нь сургалтын гол үр дүн байлаа.
Сургалтыг бизнесийн удирдлага, сэтгэл судлал, төрийн удирдлагын чиглэлээр мэргэшсэн, “Амьдрах стратеги” хөтөлбөрийн санаачлагч, сургагч багш Д.Цэцэнбилэг удирдан явуулсан бөгөөд оролцогчид практик дасгал, багийн уралдаан, харилцааны сорил зэрэг олон аргачлалаар дамжуулан хамтын ажиллагааны чадамжаа бодитоор дээшлүүлжээ.
Сургалт нь байгууллагын хүний нөөцийн хөгжил, соёлын төлөвшил, стратегийн хэрэгжилт зэрэгт эергээр нөлөөлөхийн зэрэгцээ, ажилтны бүтээмж, сэтгэл ханамж, харилцаа, хандлага зэргийг сайжруулахад чиглэсэн чухал алхам болж байгааг мэргэжилтнүүд онцоллоо.
Нар минутад мандаж минутад жаргана.
Үс засуулвал: 
Суудал: 
