Эрдэнэт үйлдвэрийн бүтцийн нэгжүүд Хангал голын орчны хог хаягдлыг өнөөдөр цэвэрлэлээ. Байгаль орчны менежментийн төлөвлөгөө, Орхон аймгийн Байгаль орчны газрын 135 албан тоотыг үндэслэн Эрдэнэт үйлдвэр нийгмийн хариуцлагынхаа хүрээнд энэ удаа үйлдвэрийн гүүрнээс гурван замын уулзвар хүртэлх голын голдирол дагуух хог хаягдлыг цэвэрлэсэн аж. Мөн вокзалын айл өрхөөс Гор газ шатахуун түгээх станцын харалдаа хойд зүгийн чиглэлд 26 бүтцийн нэгжийн 318 ажилтан, 13 тээврийн хэрэгсэлээр нийт 268.4 га талбайн хог хаягдлыг цэвэрлэжээ.
Түүнчлэн бүтцийн нэгжийн ажилтнууд 33 тонн хог хаягдлыг төвлөрсөн хогийн цэгт буулгаж ажиллалаа. Байгаль орчин ногоон хөгжлийн хэлтсийн Химийн бодис, хог хаягдал хариуцсан мэргэжилтэн А.ОДОНТУЯА: “Манай үйлдвэр жил бүрийн хавар Хангал голын дагуух хог хаягдлыг цэвэрлэдэг. Энэ ажлыг Байгаль орчны менежментийн төлөвлөгөөнд тусгадаг. Сүүлийн жилүүдэд Хангал голын эргэн тойрноос гялгар уут, хуванцар сав, малын сэг зэм их гарах боллоо. Мөн гол дотроос хаягдал дугуй, барилгын хог хаягдал их гарлаа. Үүнийг нэг бүрчлэн цэвэрлэлээ. Барилга байгууламж барих бүтээн байгуулалтын ажлаас гарсан хог хаягдлаа гол дотор хаячих юм. Энэ тал дээр иргэд, Аж ахуйн нэгжүүд анхаарал тавьж ажиллах хэрэгтэй байна. Эрдэнэт үйлдвэрийн ажиллагсад ажиллахын зэрэгцээ зориуд цаг гаргаж Хангал голыг жил бүр тогтмол цэвэрлэдэг. Манай хэлтэс вокзалын айлуудаас хоёр мод тарьсан зурвас талбайг цэвэрлэлээ. Энэ талбайд хийсч ирсэн хог их байна. Тэгэхээр ард иргэддээ байгаль дэлхийгээ хайрлан хамгаалж, эрүүл цэвэр орчинд ажиллаж амьдрахыг уриалах байна” гэв.
Нар минутад мандаж минутад жаргана.
Үс засуулвал: 
Суудал: 
