Эрдэнэт үйлдвэрийн Эмэгтэйчүүдийн холбооны “Шилдэг төсөл”-өөр шалгарсан “Эрдэнэт” сувиллын цогцолборын "Эрүүл өвдөг-Тэгш алхаа" хөтөлбөр саяхнаас хэрэгжиж эхэллээ.
Уг хөтөлбөрт үйлдвэрийн бүтцийн есөн нэгжээс сонгогдсон зорилтот бүлгийн 12 эмэгтэй ажилтан хамрагдаж байгаа бөгөөд тэд сэргээн засах эмчилгээ, тусламж үйлчилгээ авч байна. Эмчилгээний үйл явц нь оролцогч бүрийн хэрэгцээнд тохируулан тусгайлсан төлөвлөгөөний дагуу явагдаж байна.
Хөтөлбөрийг хэрэгжүүлж буй сэргээн засах баг нь эмч, сувилагч, хөдөлгөөн засалч, тусгай мэргэжилтэн, хоол зүйч нараас бүрдсэн бөгөөд тэдний зорилго нь эмэгтэйчүүдийн амьдралын чанарыг дээшлүүлж, хөдөлгөөний идэвхийг нэмэгдүүлэх юм.
Оролцогчид эмчилгээнд ажлын бус цагаар хамрагддаг бөгөөд ажлын хажуугаар эрүүл мэнддээ анхаарах боломжоор бүрэн хангагдаж байгаад сэтгэл хангалуун байгаагаа илэрхийлсэн.
Хөтөлбөрийн хүрээнд сэргээн засах эмчилгээтэй зэрэгцэн эрүүл мэндийн боловсрол олгох сургалт, зөвлөгөө, сэргээн засах үнэлгээ зэргийг шат дараатай зохион байгуулж, хөтөлбөрийг илүү үр дүнтэй хэрэгжүүлэхийг зорьж байна.
Нар минутад мандаж минутад жаргана.
Үс засуулвал: 
Суудал: 
