“Эрдэнэт үйлдвэр” ТӨҮГ-ын Ерөнхий захирал Г.Ёндон, Булган аймгийн Засаг дарга Д.Пүрэв-Очир нар Хамтран ажиллах гэрээнд гарын үсэг зурлаа. Энэхүү 2025-2028 онд хэрэгжих Хамтын ажиллагааны гэрээний дагуу Эрдэнэт үйлдвэр нийгмийн хариуцлагынхаа хүрээнд анхдагчдын өлгий нутаг Булган аймгийн бүтээн байгуулалт, боловсрол, нийгмийн салбарт хоёр тэрбум төгрөгийн хөрөнгө оруулалт хийх юм.
Булган аймгийн Засаг дарга Д.Пүрэв-Очир ярихдаа: “Эрдэнэт үйлдвэр, Орхон, Булган аймгийн ЗДТГ-тай гурван жилийн хамтын ажиллагааны гэрээ байгуулан ажилладаг уламжлалтай. Манай аймгийн нийгэм, эдийн засгийн хөгжилд хөрөнгө оруулалт хийдэг. Булган аймагтай 2018 оноос эхлэн хамтын ажиллагааны гэрээг гурван жилээр байгуулан ажиллаж байна. Энэ ажлын хүрээнд Булган аймгийн Цэнгэлдэх хүрээлэнгийн засварын ажилд нэг тэрбум төгрөг, хүүхэд залуучуудын чөлөөт цагийг өнгөрөөх, хөнгөн атлетикийн зам, сагсан бөмбөг, волейболын талбай бүхий иж бүрэн биеийн тамирын талбай, ерөнхий боловсролын сургуулиудад байгалийн ухааны хичээлийн кабинет байгуулах, Нэгдсэн эмнэлэгт суурин рентген аппарат худалдан авах, Тэшиг сумын хүүхдийн цэцэрлэгийн шинэ барилгын ажлыг санхүүжүүлж байсан. Харин Эрдэнэт үйлдвэр, Булган аймгийн 2021-2024 оны хамтын ажиллагааны хүрээнд “Боловсрол” сан байгуулж, Булган аймагт нэн тэргүүнд хэрэгцээтэй мэргэжлээр их, дээд сургуульд элссэн 20-оос доошгүй оюутанд сургалтын төлбөрийн тэтгэлэг олгон, “Эрдэнэт цогцолбор” дээд сургуульд хамруулж, Хангал суманд 50 ортой цэцэрлэгийн барилга шинээр ашиглалтад оруулан, байгаль орчныг хамгаалах чиглэлээр томоохон хөрөнгө оруулалт хийгдсэн. Энэ удаагийн Хамтын ажиллагааны онцлог нь мөнгөн дүн нэмэгдлээ. Уг санхүүжилтээр Булган нутгийн ард иргэдийг нарийн мэргэжлээр сургах зорилготой байна. Өөрөөр хэлбэл боловсролын салбарт илүү хөрөнгө оруулалт хийнэ. Нөгөөтээгүүр, Булган аймагт Хөдөө аж ахуйн цогцолбор үйлдвэрлэлийг барих зорилготой байгаа.Үүнд энэ санхүүжилтийг зарцуулна. Энэ цогцолбор үйлдвэрлэлээс гарсан бүтээгдэхүүнийг цаашид Эрдэнэт үйлдвэрт нийлүүлэх санал хүсэлтээ удирдлагуудад нь тавилаа. Өнгөрсөн онд Эрдэнэт үйлдвэрийн хөрөнгөөр Хялганатын чиглэлд 64 км засмал зам ашиглалтад орсон. Уг замыг Булган аймаг өөрийн өмч дээр бүртгэж, хүлээн авсан. Цаашид энэ замыг арчлан, ашиглалтыг нь хариуцан ажиллана” гэв.
Нар минутад мандаж минутад жаргана.
Үс засуулвал: 
Суудал: 
