“Эрдэнэт үйлдвэр” ТӨҮГ-ын төрийн статустай Төрөлжсөн архивын шинэ байранд өнөөдөр, байнгын болон 70 жил хадгалагдах үнэ цэнтэй баримтуудыг авран хамгаалах галын тактик сургуулилт анх удаа боллоо.
Ерөнхий захирлын тушаалаар батлагдсан хуваарийн дагуу Гэрээт гал түймэр унтраах, аврах 58 дугаар ангитай хамтран зохион байгуулсан уг сургуулилтад Төрөлжсөн архив, Аж ахуй, үйлчилгээний цехийн 30 орчим ажилтан хамрагдсан юм. Тэд Ханган нийлүүлэх бүлэг, Анхны тусламж үзүүлэх бүлэг, Нүүлгэн шилжүүлэх бүлэг зэрэг зургаан багт хуваагдан, Гэрээт Гал түймэр унтраах, аврах 58 дугаар ангиас өгсөн зааварчилгааны дагуу тус тусын чиг үүргийг хэрэгжүүлэн, аврах, хамгаалах ажиллагаа явуулав. Тухайлбал, архивын баримтуудыг нүүлгэн шилжүүлэх, объектод гал унтраах, гал түймэрт нэрвэгдсэн хүнд эмнэлгийн анхны тусламж үзүүлэх, эрүүл мэндийн байгууллагад хүлээлгэн өгөх, дээвэр дээр гацсан хүнийг аварч буулгах дарааллын дагуу амжилттай ажиллалаа.
Төрөлжсөн архивын зориулалтын байранд галын төхөөрөмж, гал унтраах хэрэгслүүд, аврах гарцууд стандартын дагуу хийгдсэн байдаг бөгөөд эдгээр гарцыг бүрэн чөлөөлж, галын болон түргэн тусламжийн машин нэвтрэх замыг мөн чөлөөлж бэлтгэснийг Архивын албан хэрэг хөтлөлтийн хяналтын Улсын байцаагч М.Энхцэцэг мэдээллээ. Ийнхүү, Эрдэнэт үйлдвэрийн Төрөлжсөн архивын сан хөмрөгийг галаас авран хамгаалах анхны тактик сургуулилт амжилттай боллоо.
Нар минутад мандаж минутад жаргана.
Үс засуулвал: 
Суудал: 
