eClinic аппликейшн ашиглан, эмнэлэгт цаг авах боломжтой

Эмнэлэгт очих, эмчид цаг авах ажиллагааг хөнгөвчилж, цахимаар захиалга өгөх боломжийг еClinic аппликейшн иргэдэд бүрдүүлж байна. Эл аппликейшныг утсандаа татаж суулган бүртгүүлснээр эмчтэй шууд холбогдож цаг авах, улсын болон хувийн эмнэлэгт үзүүлэх, шинжилгээ өгөх, эмийн сангаар үйлчлүүлэх зэрэг бүх захиалга өгөх эрх нээгдэх аж. 
Өөрөөр хэлбэл, уг аппликейшны цэсэд хоол боловсруулах эрхтэн судлал, хүүхэд, дотоод шүүрэл чихрийн шижин, мэдрэл, үе мөч, уушги, зүрх судас, мэс засал, эх барих эмэгтэйчүүд, гэмтэл, чих хамар хоолой, эрэгтэйчүүд, бөөр, сэтгэц, сэтгэл зүйч зэрэг бүх төрлийн нарийн мэргэжлийн эмч нараас өөрт шаардлагатайг сонгож, холбогдох бөгөөд 24 цагийн эмчтэй багц зөвлөгөө цахимаар авна. Ингэхдээ тухайн иргэн өөрийн эрүүл мэндийн түүх, амьдралын хэв маягийн мэдээллээ бүрэн оруулж үйлчлүүлэх юм. 
Мөн “Яг одоо зөвлөгөө авах” цэс рүү орж үзлэгийн төрлөө сонгон, илэрч байгаа өвчин зовуурийн талаар цаг алдалгүй шуурхай зөвлөгөө авах боломжтой. Ингэснээр эмнэлэгт цаг авах, эмчид үзүүлэхийн тулд хүлээх зэрэг урт дараалал, олон чирэгдлийг еClinic аппликейшн багасгаж, шинжилгээний хариугаа харах, чиглүүлэгч эмчтэй шууд утсаар ярих зэрэг олон үйлчилгээг нэг дор авдаг болсон байна.