Монголын эрдэс баялгийн салбарын ахмадын нэгдсэн холбооны удирдах ажилтнууд, гишүүд мэргэжилтнүүд Эрдэнэт үйлдвэрт өнөөдөр зочилж, Ил уурхай, Баяжуулах үйлдвэр, Засвар, механикийн заводын үйл ажиллагаа, өргөтгөл шинэчлэлийн ажлын үр дүнтэй танилцлаа.
Аяллын төгсгөлд ЭХУУҮГ-ийн яамны дэд сайд асан, ЭБСАНХ-ны Тэргүүн, Монгол Улсын Аж үйлдвэрийн Гавьяат ажилтан Д.Амгалан хэлсэн үгэндээ, "ХХ зууны Манлай бүтээн байгуулалт, Монгол Улсын Баатар Эрдэнэт үйлдвэр бүх цаг үеийн туршид шинэ техник, шилдэг технологи нэвтрүүлэн ажиллаж буй уул уурхайн үйлдвэрүүдийнхээ түүчээ болж ирсэн. Энэ нэр хүндээ өнөөдрийг хүртэл хадгалж, амжилттай үргэлжлүүлж яваад туйлын баяртай байна. Анх байгуулагдаж байсан үеэсээ хүчин чадал нь гурав дахин өссөн байна. Засвар, механикийн завод шинэчлэлийг бүрэн утгаар нь хийж, өнөөдөр асар өндөр үнээр худалдан авдаг экскаватор, тээрмийн хуяг зэргийн эд ангийг үйлдвэрлэж, валютын нөөцийг дотооддоо бүрдүүлж чадсан, ойрын ирээдүйд машин үйлдвэрлэх нөхцөл бололцоог хангасныг үзээд сэтгэл дүүрлээ. Энэ эрчээ алдалгүй, цаашид ч дэлхийн шилдэг техник, технологийн түүчээлэгч нь байж, үргэлж хошуучилна гэдэгт эргэлзэхгүй байна" хэмээн онцлов.
Монголын эрдэс баялгийн салбарыг цагтаа удирдаж, хөгжлийн бодлогыг тодорхойлж явсан ахмад уурхайчид “Бидний гаргасан зам мөрөөр залуу үе маань амжилттай замнан хөдөлмөрлөж, өнөөдрийн түвшинд хөгжсөн байгаад сэтгэл хангалуун байгаа” гэдгээ илэрхийлсэн юм.
“Оюу” танхимд болсон уурхайчдын уулзалтын үеэр Ил уурхайн ахмад ажилтан Д.Уламмандах, Засвар, механикийн заводын дарга асан Б.Баасансүрэн, ахмад ажилтан Ч.Нямдорж, Я.Батсуурь, Г.Баттулга, Г.Баатархуяг, Г.Баясгалан, Б.Туяа, М.Дамба, Д.Цогтхангай, Б.Нямдорж, Баяжуулах үйлдвэрийн ахмад ажилтан Р.Дэлгэр, Д.Цагаач, Л.Баяраа, Ш.Болд, Ш.Нармандах, Л.Алтангэрэл, Л.Баасанчулуун, Ц.Бадамжав, Ерөнхий захиргааны ахмад С.Ганжаргал, Ш.Гэзэгт, Ц.Батсуурь, П.Даваабаяр, Л.Мөнхтогтох, Г.Дэмбэрэлдаш, Л.Отгонбаяр, Х.Буянтогтох, Дулааны цахилгаан станцын ахмад Б.Эрдэнэбаяр, О.Алтанхуяг, Ч.Алтангэрэл, М.Болормаа, Геологи хайгуулын экспедицийн ахмад ажилтан Д.Цогтсайхан, Т.Батбаяр нар Монголын эрдэс баялгийн салбарын зөвлөх инженер болж, энгэрийн тэмдэг хүртлээ.
Мөн Эрдэнэт үйлдвэрийн Үйлдвэрлэл, техникийн бодлогын газрын Ерөнхий уурхайчин Д.Эрдэнэбаатар, Баяжуулах үйлдвэрийн Ерөнхий инженер Г.Цогтгэрэл, Төлөвлөлт шинжилгээний товчооны дарга Х.Баярсайхан, Үйлдвэр техникийн товчооны дарга Т.Гэрэлт-Од, Тэргүүлэх инженер М.Гантулга, баяжуулагч инженер Б.Октябрь, Засварын хэсгийн механикч М.Болд, Геологи, маркшейдерийн хэлтсийн Маркшейдер, геотехникийн албаны дарга Т.Самданшийрэв, Ил уурхайн ХАБЭА-н инженер Ц.Баярсайхан, Судалгаа, шинжилгээний хүрээлэнгийн судлаач инженер Ц.Амаржаргал, М.Агиймаа, Г.Халиун, Хөгжлийн хэлтсийн баяжуулалтын инженер П.Наранчулуун нарын 18 ажилтан мэргэшсэн инженер болов.
Нар минутад мандаж минутад жаргана.
Үс засуулвал: 
Суудал: 
