“Эрдэнэт үйлдвэр” ТӨҮГ-ын Үйлдвэрчний эвлэлийн холбооноос “Эрдэнэт” сувиллын цогцолбор, Сэтгэцийн эрүүл мэндийн Үндэсний төвтэй хамтран “Тоглоомын хамаарлын сэтгэц - Нийгмийн асуудал” сэдэвт сургалтыг энэ сарын 17-ноос 19-ний өдрүүдэд үйлдвэрийн хэмжээнд зохион байгуулж байна.
Өнөөдөр Баяжуулах үйлдвэр, Авто тээврийн цехийн 240 гаруй ажилтан уг сургалтад хамрагдаж, цахим мөрийтэй тоглоомын донтолтын шинж тэмдгүүд, стресс менежмент, тоглоомын хамаарлын сэтгэл зүйн асуудлын талаар мэдлэг ойлголт авлаа. Сэтгэцийн эрүүл мэндийн Үндэсний төвийн сэтгэл зүйч Ч.Энхчимэг, зөвлөх эмч К.Елена, Сургалтын мэргэжилтэн Э.Мягмарцэрэн нар Эрдэнэт үйлдвэрт урилгаар ажиллаж байна.
Сүүлийн жилүүдэд мөрийтэй тоглоомд донтсон иргэд эд хөрөнгө, орон сууц, автомашин, хадгаламж, бэлэн мөнгөө алдах, цаашилбал өрөнд орж залилан, хулгайн гэмт хэрэгт холбогдох, сэтгэл зүйн асуудлаа давж гарч чадахгүй хүнд байдалд орсноор өөрийн амь, амьдралаа алдах тохиолдол ч цөөнгүй байгааг Цагдаагийн газраас удаа дараа мэдээлж байгааг Баяжуулах үйлдвэрийн Хүний нөөцийн товчооны дарга Т.Тунгалагтамир сургалтын үеэр онцолсон юм.
Нийгэмд газар авч буй асуудлыг хөндөж, сургалт зохион байгуулж байгаа нь цаг үеэ олсон төдийгүй тоглоомд донтохоос урьдчилан сэргийлсэн, ХАБЭА-н эрсдэлийг бууруулсан чухал арга хэмжээ болж байна гэж үйлдвэрийн ажилчид сэтгэгдлээ хуваалцлаа.
Нар минутад мандаж минутад жаргана.
Үс засуулвал: 
Суудал: 
