Эрдэнэт үйлдвэрийн ажилчдын 2025 оны эрүүл мэндийн урьдчилан сэргийлэх үзлэгийн үйл ажиллагааны нээлт “Эрдэнэт медикал” эмнэлэгт өнөөдөр боллоо. Нийгмийн хариуцлагынхаа хүрээнд Эрдэнэт үйлдвэр жил бүр нийт ажилтан ажиллагсад, ахмадуудаа эрүүл мэндийн урьдчилан сэргийлэх иж бүрэн үзлэгт хамруулдаг. Энэ жилийн ээлжит үзлэг өнөөдөр эхэлж, зургаан цехийн үйлчлүүлэгчдээ хүлээж авлаа.
Өнгөрсөн 2024 онд урьдчилан сэргийлэх үзлэгт 8729 ажилтан, ахмад, үйлдвэрлэлийн осол, мэргэжлээс шалтгаалах өвчний улмаас хөдөлмөрийн чадвар алдалтын хувь тогтоолгосон иргэд хамрагдсан. Эрүүл мэндийн үзлэгт өдөрт 52 хүн хамрагдах бөгөөд 12 –р сарын 15 хүртэл үргэлжлэх аж.
“Энэ онд Эрүүл мэндийн урьдчилан сэргийлэх үзлэгийн хүрээнд хоёр багц нэмэгдсэн. Өнөөдөр 13 төрлийн багцын 15 задаргаатай эрүүл мэндийн үзлэгийн үйл ажиллагаа эхэлж байна. Өөрөөр хэлбэл үений болон харшлын багц нэмэгдсэн байгаа. Хүнд ажил хийдэгтэй холбоотой үйлдвэрийн ажилчдын дунд үений болон нурууны өвчлөл их байдаг. Тиймээс энэ төрлийн оношилгоо хийгдэнэ. Өнгөрсөн оны үзлэгийн үр дүнгээс харахад хоол боловсруулах тогтолцооны өвчлөл, бодисын солилцооны эмгэг, зүрх судасны өвчлөл зонхилж байна. Хавдарт бус ийм өвчлөл давамгайлж байгаа учраас энэ тал дээр анхаарал тавьж ажиллах шаардлагатай байна” гэж “Эрдэнэт медикал” эмнэлгийн Тусламж үйлчилгээ хариуцсан орлогч захирал Б.Мөнхжаргал ярилаа.
Мөн Барилга засварын цехийн өндөр настан Ч.Мөнхбат: “Миний тухайд эмнэлгийн урьдчилан сэргийлэх үзлэгт жил бүр ордог. “Эрдэнэт” сувилллын цогцолборын эмч, эмнэлгийн ажиллагсдадаа баярлалаа гэж хэлье. Мэргэжлээс шалтгаалах өвчтэй бид бүхэнд байнга анхаарал тавьж ажилладаг. Би Эрдэнэт үйлдвэрт тасралтгүй 20 гаруй жил ажилласан хүн. Эрүүл мэндийн үзлэгт хамрагдаж, жил бүр эмчилгээ сувилгаа хийлгэдэг болохоор өвчин илааршиж байна” гэв.
Нар минутад мандаж минутад жаргана.
Үс засуулвал: 
Суудал: 
