Эрдэнэт үйлдвэрийн Спорт цогцолборын “Сархиа” цанын бааз ХБНГУ-д үйлдвэрлэсэн “Pistenbully 600” олон үйлдэлт, орчин үеийн трактор өнөөдөр хүлээн авлаа. Автомат эргүүлэг, татах удирдлага бүхий энэхүү трактор нь хиймэл цасны төхөөрөмж зөөвөрлөх, цас тэгшлэх, зам цэвэрлэх өндөр хүчин чадалтай. Цасны шинэ трактор ашиглалтад орсноор цана, чарга, снөүбордын замын чанар сайжирна, гэж Спорт цогцолборын арга зүйч П.Энхтүвшин ярилаа.
Мөн үйлчлүүлэгчдийн аюулгүй байдал хангагдах, төгс налуу зам байгуулах, цасны тогтворжилт сайжрах нөхцөл бүрдэх юм.
Өмнө нь “Сархиа” цанын бааз “Pistenbully 290” трактор ашиглаж байсан нь 16 жил ажиллаад, ашиглалтын хугацаа нь дуусаж, хэрэглээнээс гарчээ. Эрдэнэт үйлдвэр түлшний зарцуулалт бага, байгаль орчинд ээлтэй “Pistenbully 600” цасны тракторыг Монголд анх авчирч, ашиглалтад ийнхүү оруулж байна.
Спорт цогцолборын хамт олон Эрдэнэтчүүд, тэр дундаа уурхайчид, тэдний гэр бүлийн нэрийн өмнөөс Эрдэнэт үйлдвэртээ чин сэтгэлийн талархал илэрхийлсэн юм.
Нар минутад мандаж минутад жаргана.
Үс засуулвал: 
Суудал: 
