Эрдэнэт үйлдвэрийн дэргэдэх Энэрэл төвийн Хүүхдийн Сүлд модны наадам Соёл,урлагийн цогцолборт өнөөдөр боллоо.Сүлд модны наадамд УИХ-ын гишүүн Д.Үүрийнтуяа, "Эрдэнэт үйлдвэр"ТӨҮГ-ын Eрөнхий инженер Т.Батмөнх, Хүний нөөц,захиргааны хэлтсийн дарга О.Отгонбаяр,Сэлэнгэ амралт, аялал жуулчлалын цогцолборын дарга И.Жаргалсайхан нар оролцов. Энэ үeэр Дэлгэрхишигийн Анар хүү Энэрэл төв хэмээх өнөр гэр бүлийнхээ гишүүдийн 2024 онд гаргасан ололт амжилт, дурсамжтай үйл явдал, өөрийн сурсан мэдсэнээ ашиглан анимейшн хийж, өвлийн өвөөд илгээснийг толилуулав. Мөн тэнд хуран цугласан хүмүүс тус төвийн хүүхдүүдийн урлагийн тоглолтыг үзэж сонирхлоо. “Эрдэнэт үйлдвэр” ТӨҮГ-ын Ерөнхий инженер Т.Батмөнх “Энэрэл” төвийн хүүхдүүдэд шинэ жилийн мэнд хүргэж, бэлэг гардуулахдаа: “Энэрэл” төвийн багш, сурган хүмүүжүүлэгч,хүүхэд багачууд та бүхэн олон сайхан амжилтаар шинэ оноо угтаж байна. 2024 онд 12-р ангиа сурлагын өндөр амжилттай төгссөн тус төвийн найман хүүхэд их,дээд сургуульд суралцаж байна. Мөн нэг хүү гадаадад сурч байгаа. Манай хүүхдүүд олон секц дугуйланд хамрагдаж, урлаг,спортын өндөр амжилт гаргалаа. Ам бүл 64-лээ боллоо. Та нарын гаргасан амжилтыг Эрдэнэт үйлдвэрийн удирдлагууд, уурхайчин ах, эгч нар нь баяртай хүлээн авч байна. Хүүхдүүд та бүхэн эв, нэгдэлтэй байж,сурлага,урлаг,спортын улам их өндөр амжилт гаргахыг хүсэн ерөөе” гэв.
Нар минутад мандаж минутад жаргана.
Үс засуулвал: 
Суудал: 
