Үндэсний эрх чөлөө тусгаар тогтнолоо сэргээн мандуулсан түүхэн өдөр Монгол Улсын Ерөнхийлөгчийн зарлигаар “Эрдэнэт үйлдвэр” ТӨҮГ-ын Үйлдвэрлэл, техникийн бодлогын газрын дарга Пүрэвийн Батболор Монгол Улсын Аж үйлдвэрийн Гавьяат ажилтан цол хүртсэн. Өнөөдөр Эрдэнэт үйлдвэрийн Ерөнхий уурхайчин Д.Эрдэнэбаатар, Ерөнхий геологич Д.Алтанхуяг нарын удирдлагууд, уурхайчдын төлөөлөл болон Өмнөговь аймгийн Нутгийн зөвлөл, найз нөхөд нь 2024 оны отгон гавьяатаа “Эрдэнэт” хаалган дээр ёслол хүндэтгэл дүүрэн угтаж, баяр хүргэлээ.
1992 онд Эрдэнэт үйлдвэрийн Ил уурхайгаас экскаваторын туслах машинчаар ажлын гараагаа эхэлж байсан Уул уурхайн ашиглалтын инженер мэргэжилтэй тэрээр ахлах мастер, ээлжийн дарга-диспетчер, уулын ажлын инженер, чанарын менежер, уулын ажлын Тэргүүлэх инженер, Үйлдвэрлэлийн хэлтсийн орлогч дарга, дарга, Ил уурхайн дарга, Үйлдвэр, техникийн газрын дарга, 2019 оноос Үйлдвэрлэлийн бодлогын газрын дарга гэхчилэн Эрдэнэт үйлдвэрт тасралтгүй 30 гаруй жилийн хөдөлмөрөө бүрэн зориулсан Тэргүүний уурхайчин юм.
Монгол Улсын Аж үйлдвэрийн Гавьяат ажилтан П.Батболор “Хямралын эсрэг авах арга хэмжээний төлөвлөгөө” боловсруулан хэрэгжүүлэхэд удирдлага арга зүйгээр ханган ажилласны үр дүнд үйлдвэрлэлийн төлөвлөгөөт үзүүлэлтүүдийг жил бүр 100-аас дээш хувиар биелүүлж, 2013-2015 онд 45.7 мянган тонн зэсийн баяжмал, 2.9 мянган тонн молибденийн баяжмал нэмэлтээр үйлдвэрлэн, нийт 127.9 тэрбум төгрөгийн нэмэлт орлого олж, зардлыг 131.6 тэрбум төгрөгөөр бууруулан ажиллажээ.
Мөн геологийн бодлогыг оновчтой хэрэгжүүлж, уурхайн ашиглалтын явцад хүдрийн нөөцийг шинэчлэн тогтоох ажлыг үе шаттай хийснээр сүүлийн гурван жилд хүдрийн нөөцийг 800 гаруй сая тонноор нэмэгдүүлэн, нийт нөөц 2.7 тэрбум тонн болсноор Эрдэнэт үйлдвэрийн ажиллах хугацаа 60-70 жилээр уртсах боломжийг бүрдүүлсэн юм.
Нар минутад мандаж минутад жаргана.
Үс засуулвал: 
Суудал: 
