Дотоодын цэргийн байгууллага 2024 оны ажлаа дүгнэх үйл ажиллагааны тайлангийн хурлаа Цагдаагийн Ерөнхий газрын “Сүлд” танхимд зохион байгууллаа. Энэхүү хуралд Дотоодын цэргийн командлагч, бригадын генерал Т.Сүхболд, Дотоодын цэргийн штабын дарга, бригадын генерал Р.Чингис, штабын даргын зөвлөлийн гишүүд, анги байгууллагын удирдлагууд болон төв, орон нутгийн 18 байршлаас 1152 алба хаагч танхимаар болон цахимаар оролцож тэргүүний хамт олон, алба хаагчдаа шалгаруулан баяр хүргэсэн юм.
Дотоодын цэргийн байгууллагын 2024 оны “Тэргүүний хамт олон”-оор хурандаа Д.Гантөмөр захирагчтай Орхон аймаг дахь Дотоодын цэргийн 816 дугаар анги шалгарч, “Тэргүүний удирдах алба хаагч”-аар тус ангийн захирагчийн орлогч, ар тал, хангалтын дарга, дэд хурандаа Г.Мэндбаяр тодорлоо.
Монгол Улсынхаа үндэсний аюулгүй байдлыг сахин хамгаалах, ард иргэдийнхээ амар амгалан амьдрах нөхцөлийг бүрдүүлэх хуулиар хүлээсэн үүрэг, дэвшүүлсэн зорилтыг ханган биелүүлэхэд идэвх зүтгэл, үр бүтээлтэй ажиллаж, үйл ажиллагааныхаа үр дүнгээр Тэргүүлсэн Дотоод цэргийн 816 дугаар ангийн бие бүрэлдэхүүнд Эрдэнэт үйлдвэрийнхээ уурхайчдын нэрийн өмнөөс баяр хүргэж, ажлын амжилт хүсье.
Нар минутад мандаж минутад жаргана.
Үс засуулвал: 
Суудал: 
