Засвар, угсралтын цехийн 33 жилийн ойг тохиолдуулан Захиргаа, Үйлдвэрчний эвлэлийн хороо, Залуучуудын холбооноос хамтран, Цахилгаан ба хийн гагнуурчин залуусын онолын мэдлэг, ур чадварыг дээшлүүлэх, харилцан туршлага солилцох, өсөн дэвших хандлагыг нэмэгдүүлэх зорилгоор ажил мэргэжил, ур чадварын уралдааныг гурван үе шаттайгаар 11-р сарын 21-нд зохион байгууллаа.
Эхний үе шатад, онолын мэдлэг шалгуулж, хоёр дахь үе шатад шилжүүлгийн тооцоолол хийн, гагнуур гүйцэтгэх, гурав дахь үе шатанд бэлдэц эд анги угсарч, өрсөлдлөө. Засвар, угсралтын болон Угсралт тохируулгын хэсгийн бригад бүрээс III-IY зэрэгтэй цахилгаан ба хийн гагнуурчин 18 ажилчин ур чадвараа сорин өрсөлдсөнөөс тэргүүн байрыг ЗУХ-ийн ажилтан Э.Энхбаатар, дэд байрыг О.Анхбаяр, гутгаар байрыг Ө.Одбаяр, тусгай байрыг Т.Бат-Өлзий, Б.Батжаргал нар тус тус эзэлж, шагнал гардав.
Ур чадварын уралдааныг “Эрдэнэт цогцолбор” дээд сургуулийн гагнуурын ахмад багш Б.Нямдорж, Механикийн хэлтсийн техникийн оношилгооны тэргүүлэх инженер Ш.Эрдэнэтуяа нар шүүн явуулж, залуу гагнуурчдын алдаа, оноог мэргэжлийн үүднээс тайлбарлаж, ур чадварын үнэлгээ өгсөн байна.
Засвар, угсралтын цех энэ онд "Мэдлэг түгээх" дөрвөн төрлийн ажлын байрыг амжилттай бий болгосон бөгөөд, ур чадварын энэхүү уралдааныг иж бүрэн тохижуулсан дадлагын байранд зохион явуулжээ. Цехийн удирдлага цаашид жил бүр мэргэжлийн баяраа угтан, ажил мэргэжлийн уралдааныг өргөн хүрээнд уламжлал болгон зохион байгуулахаа дуулгалаа.
Нар минутад мандаж минутад жаргана.
Үс засуулвал: 
Суудал: 
