Orange Entertainment, VOO cinema-гийн хамтын бүтээл “Амьдрал” уран сайхны киноны 50 гаруй хувийн зураг авалт Эрдэнэт үйлдвэрийн “Эрдэнэт медикал” эмнэлэгт хийгдэж, өнөөдөр төгсгөлийн хамгийн өргөн бүрэлдэхүүнтэй зураг авалт амжилттай өндөрлөлөө. Зураг авалтад “Эрдэнэт медикал” эмнэлгийн хамт олноос гадна Орхон аймгийн Онцгой байдлын газар, Цагдаагийн газар, БОЭТ болон Эрдэнэтийн иргэдээс бүрдсэн 100-аад хүн оролцсон байна. Уг киноны гол дүрд МУСТА Р.Анхням, “Х ТҮЦ”-ийн залуу жүжигчин Э.Төрбат, “Guys” хамтлагийн дуучин Д.Лхагва нар эмч, эмнэлгийн ажилтнуудын дүрд тоглож буй учир зураг авалтын дийлэнх нь ийнхүү тус эмнэлэг дээр хийгдсэн байна.
Кино багийнхан тоног төхөөрөмж, тохижилт сайтай, орчин үеийн “Эрдэнэт медикал” эмнэлгийн удирдлага, хамт олонд эрүүл мэндийн салбарын мэдлэг ойлголт, мэргэжлийн заавар зөвлөгөө өгч хамтран ажилласан, мэргэжлийн үүднээс олны хэсэгт орж тоглосонд чин сэтгэлийн талархал илэрхийлсэн юм.
Оросын зохиолыг монгол “хөрс”-нд буулган бүтээсэн, 12 ангит “Амьдрал” уран сайхны кино NTV телевиз болон VOO cinema-гаар 2025 оны нэгдүгээр сарын нэгнээс гарч эхэлнэ гэж киноны Зургийн дарга Б.Баярсайхан мэдээллээ.
Нар минутад мандаж минутад жаргана.
Үс засуулвал: 
Суудал: 
