Эрдэнэт үйлдвэрт Хүний нөөцийн менежментийн тогтолцоо ISO 30400 багц стандартын олон улсын магадлан аудит хийгдэж байна. Аудитын явцын талаар Хүний нөөц, захиргааны хэлтсийн Хүний нөөцийн албаны дарга Б.Одгарьдаас тодрууллаа.
-Аудит хэдий хугацаанд үргэлжлэх вэ?
-Эрдэнэт үйлдвэрт хүний нөөцийн менежментийн тогтолцооны ISO 30400 стандарт хэрэгжээд багагүй хугацаа өнгөрлөө. Бид гурван жил орчмын хугацаанд уг стандартыг нутагшуулах ажлыг хэрэгжүүлж байна. Энэ удаа Магадлан-2 аудит буюу өмнөх хоёр жилд гаргасан үзүүлэлтүүдээ улам бататгах, ахиулах маш хариуцлагатай үйл ажиллагаа явагдаж байна. Аудит 9-р сарын 26-ны өдрийг хүртэл үргэлжилнэ. Олон улсын аудиторууд өчигдөр, өнөөдөр баримт бичигтэй танилцаж байна. 9-р сарын 25, 26-ны өдрүүдэд цех, нэгжүүдээр явж, стандартын үйл ажиллагааны хэрэгжилтийг газар дээр нь үзэж, ажилтнуудын ойлголт, мэдлэг ямар байгаатай танилцаад дүгнэлтээ гаргах төлөвлөгөөтэй ажиллаж байна.
-Магадлан-2 аудит амжилттай болох нь ямар ач холбогдолтой вэ?
-Хүний нөөцийн менежментийн тогтолцоо ISO 30400 багц стандарт Эрдэнэт үйлдвэрт нэвтэрсэн гэдгийг бататгах ач холбогдолтой. Энэ стандартын онцлог нь оноогоор дүгнэгддэг. Бид анх авсан оноогоо Магадлан-1 аудитаар 77 оноо хүргэж ахиулсан. Одоо бид энэ оноогоо тодорхой түвшинд ахиулахыг зорьж байна. Өмнөх аудитаас гарсан зөвлөмжийн дагуу сайжруулах ажлын төлөвлөгөө гарган ажиллаж үр дүнд хүрснээ өнөөдөр шалгуулж байна.
-Олон улсын магадлан аудитын үйл ажиллагаанд амжилт хүсье.
-Баярлалаа.
Нар минутад мандаж минутад жаргана.
Үс засуулвал: 
Суудал: 
