Монгол түмний өнгөрсөн зуунд бүтээн босгосон шилдэг бүтээн байгуулалт Эрдэнэт үйлдвэр, Эрдэнэт хотын “Анхдагч, илгээлтийн эзэд”- ийн 50 жилийн ой, Орхон аймгийн үндэсний баяр наадмыг тохиолдуулан Эрдэнэт үйлдвэрийн анхдагч ахмадууд, уурхайчин хамт олны төлөөлөлд төрийн дээд шагнал гардууллаа.
Төрийн шагнал гардуулах ёслол Соёл урлагийн цогцолборт болж, уг үйл ажиллагаанд УИХ-ын гишүүн Д.Батлут, УИХ-ын гишүүн Д.Үүрийнтуяа, УИХ-ын гишүүн Б.Бат-Эрдэнэ, Орхон аймгийн ИТХ-ын дарга Д.Мөнхбат, Орхон аймгийн Засаг дарга бөгөөд Эрдэнэт хотын захирагч М.Түмэнжаргал болон Эрдэнэт хотоос төрөн гарсан үе үеийн алдартан гавьяатнууд, ахмадууд, иргэдийн төлөөлөл оролцлоо.
Төрийн шагнал гардуулах ёслолын эхэнд Эрдэнэт хот Эрдэнэт үйлдвэрийн бүтээн байгуулалтад анхнаас нь оролцож, ажил хөдөлмөрийн бүхий л он жилүүдээ төрөлх хот болон үйлдвэрийнхээ хөгжил дэвшилд зориулан ажиллаж ирсэн “Эрдэнэт үйлдвэр ТӨҮГ-ын Засвар механикийн заводын токарьчин асан, анхдагч, Аж үйлдвэрийн гавьяат ажилтан О.Зоригт, Монгол Улсын Гавьяат багш, анхдагч Д.Амар, төр нийгмийн зүтгэлтэн, эвлэлийн байгууллагын анхдагч Т.Алтанхуяг нарын нэр бүхий ахмадуудыг Орхон аймгийн “Хүндэт иргэн”-ээр өргөмжилж, шагналыг гардууллаа.
Монгол Улсын Ерөнхийлөгчийн зарлигаар “Хөдөлмөрийн гавьяаны улаан туг”-ийн одонгоор “Эрдэнэт үйлдвэр” ТӨҮГ-ын ахмад ажилтан О.Амгалан, Алтан гадас одонгоор тус үйлдвэрийн Хяналтын механик Б.Уртнасан, Үнэлгээний хорооны гишүүн О.Сэргэлэнбаатар, ахмад ажилтан Ж.Бүдгэрэл, “Хөдөлмөрийн хүндэт медаль”-иар Спорт цогцолборын Хүний нөөцийн мэргэжилтэн Д.Эрдэнэсувд, Улаанбаатар дахь төлөөлөгчийн газрын харьяа Хэвлэл мэдээлэл, олон нийттэй харилцах албаны редактор Ч.Бадрал, техникч Д.Цогбадрах, Автотээврийн цехийн хэсгийн дарга Д.Алтанбаяр нарын олон ажилтан, уурхайчдын төлөөллүүд шагнагдаж, энгэртээ төрийн одон медаль зүүлээ. Мөн “Анхдагч, илгээлтийн эзэд”-ийн 50 жилийн ойн медалиар Эрдэнэт хот, Эрдэнэт үйлдвэрийн анхдагч ахмадуудаа шагнаж, урамшууллаа.
Нар минутад мандаж минутад жаргана.
Үс засуулвал: 
Суудал: 
